تايۋان پرەزيدەنتى اقش-تىڭ قولداۋىنا العىس ايتتى

بۇگىن تايۋان (تايۆان) پرەزيدەنتى تساي يىڭۆىن حانىم تايۋانداعى اقش قاۋىمداستىعىنىڭ پرەزيدەنتى ريچارد بۋشپەن كەزدەسكەن. كەزدەسۋدە بەلگىلى بولعانىنداي، سوڭعى بىرنەشە ايدا اقش كونگرەسى مەن اتقارۋشى بيلىگى تايۋاننىڭ حالىقارالىق بايلانىستارىنا بەلسەندى قولداۋ كورسەتكەن، كەشە عانا اقش سەناتى ءبىراۋىزدان «تايبەي اكتىسىن» قابىلداسا، بۇگىن پالاتانىڭ سىرتقى ىستەر كوميتەتى دە وكىلدەر پالاتاسىنىڭ نۇسقاسىن قابىلداعان.

ريچارد بۋشپەن كەزدەسۋدە تساي حانىم اقش كونگرەسىنىڭ قولداۋىنا العىسىن بىلدىرگەن. ءارى، اقش-تىڭ قولداۋى تايۋانداعى دەموكراتيانىڭ ساقتالۋىنا، ءۇندى-تىنىق مۇحيت ايماعىنداعى بەيبىتشىلىك، تۇراقتىلىقتىڭ دامۋىنا ۇلەس قوسۋعا مۇمكىندىك بەرەتىنىن ايتقان.

تايۋان پرەزيدەنتىنىڭ پىكىرىنشە، قىتايدىڭ دامۋى مەن ىقپال كولەمىنىڭ كەڭەيۋى بوستاندىق پەن دەموكراتياعا قاۋىپ توندىرەدى. ول جانە تايۋاننىڭ تىنىق مۇحيتى مەن ءۇندى مۇحيتى ايماعىنىڭ شەكاراسىندا ورنالاسقانىن، سوندىقتان دا ايماقتىڭ بەيبىتشىلىگىن، تۇراقتىلىعىن ساقتاۋعا بار كۇشىن جۇمسايتىنىن ايتقان.

ايتا كەتەيىك، بەيجىڭ بيلىگى تايۋاندى قحر-عا تاۋەلدى پروۆينتسيالاردىڭ ءبىرى دەپ كورسەتۋگە تىرىسادى. ءارى، تايۋاننىڭ باسقا ەلدەرمەن ديپلوماتيالىق قارىم-قاتىناس ورناتۋىنا شەكتەۋ قويادى. قىتايدىڭ ەكونوميكالىق دامۋى جانە ىقپالىنىڭ ارتۋىنا بايلانىستى تايۋانمەن ديپلوماتيالىق قاتىناس ورناتقان ەلدەر سانى جىل سايىن ازايىپ كەلەدى. سوعان قاراماستان، تايۋان حالىقارالىق ارەناداعى ءوز ورنىن ساقتاپ قالۋعا كۇش سالۋدا.

“The Qazaq Times”