Eurokeñes törağası Donal'd Tusk jäne Wlıbritaniya prem'er-ministri Boris Djonson. Foto: https://www.thesun.co.uk

Euroodaqqa müşe 27 el Wlıbritaniyanıñ Brexit josparın üş ayğa – 2020 jıldıñ 31 qañtarına deyin şegerdi. Bwl turalı Bryussel'de ötken jiında Europalıq keñes törağası Donal'd Tusk mälimdedi.

«Europalıq odaqqa müşe memleketter bir auızdan Wlıbritaniyanıñ Brexit josparın 2020 jıldıñ 31 qañtarına şegeruge kelisti», – dedi ol. Tusktıñ aytuınşa, aldağı künderi bwl şeşimge baylanıstı resmi qwjat bekitiledi.

Wlıbritaniya EO-dan 2019 jılğı 29 naurızda yağni qauımdastıqtan şığu turalı jazbaşa habarlama berilgen soñ eki jıldan keyin şığuı kerek edi. Alayda Britaniya Parlamentiniñ Qauımdar palatasınıñ deputattarı Bryussel' men Ükimet qol jetkizgen Brexit şarttarı turalı kelisimniñ jobasın üş märte qabıldaudan bas tarttı. Nätijesinde EO Brexit - ti aldımen säuir nemese mamırğa, sodan keyin 31 qazanğa köşiruge kelisti. Sayasi jağdaydı tığırıqtan şığara almağan bwrınğı prem'er-ministr Tereza Mey otstavkağa ketuge mäjbür boldı.

"The Qazaq Times"