ەۋروكەڭەس توراعاسى دونالد تۋسك جانە ۇلىبريتانيا پرەمەر-ءمينيسترى بوريس دجونسون. فوتو: https://www.thesun.co.uk

ەۋرووداققا مۇشە 27 ەل ۇلىبريتانيانىڭ Brexit جوسپارىن ءۇش ايعا – 2020 جىلدىڭ 31 قاڭتارىنا دەيىن شەگەردى. بۇل تۋرالى بريۋسسەلدە وتكەن جيىندا ەۋروپالىق كەڭەس توراعاسى دونالد تۋسك مالىمدەدى.

«ەۋروپالىق وداققا مۇشە مەملەكەتتەر ءبىر اۋىزدان ۇلىبريتانيانىڭ Brexit جوسپارىن 2020 جىلدىڭ 31 قاڭتارىنا شەگەرۋگە كەلىستى»، – دەدى ول. تۋسكتىڭ ايتۋىنشا، الداعى كۇندەرى بۇل شەشىمگە بايلانىستى رەسمي قۇجات بەكىتىلەدى.

ۇلىبريتانيا ەو-دان 2019 جىلعى 29 ناۋرىزدا ياعني قاۋىمداستىقتان شىعۋ تۋرالى جازباشا حابارلاما بەرىلگەن سوڭ ەكى جىلدان كەيىن شىعۋى كەرەك ەدى. الايدا بريتانيا پارلامەنتىنىڭ قاۋىمدار پالاتاسىنىڭ دەپۋتاتتارى بريۋسسەل مەن ۇكىمەت قول جەتكىزگەن Brexit شارتتارى تۋرالى كەلىسىمنىڭ جوباسىن ءۇش مارتە قابىلداۋدان باس تارتتى. ناتيجەسىندە ەو Brexit - ءتى الدىمەن ءساۋىر نەمەسە مامىرعا، سودان كەيىن 31 قازانعا كوشىرۋگە كەلىستى. ساياسي جاعدايدى تىعىرىقتان شىعارا الماعان بۇرىنعى پرەمەر-مينيستر تەرەزا مەي وتستاۆكاعا كەتۋگە ءماجبۇر بولدى.

"The Qazaq Times"