Foto: https://newsone.ua

Europalıq odaq sammitinde Brexit josparı talqılanıp, 1 qaraşada Wlıbritaniya odaq qwramınan şığatını mälim boldı. Mwnımen qatar, Euroodaqtıñ Brexit boyınşa kelissöz jürgizuşisi Mişel' Barn'e Irlandiya men Soltüstik Irlandiyağa qatıstı 25 betten twratın sayasi deklaraciyanıñ qabıldanğanın ayttı.

Europalıq keñes törağası Donal'd Tusk: «Bizdiñ tarap bwl kelisimdi qoldap otır. Josparlanğan märege az ğana uaqıt qaldı. Jaña kelisimderdi Irlandiya da jaqsı bağaladı. Odaq ärqaşan Irlandiyanı qoldaydı jäne Dublin üşin tiimsiz kelisimderdi wsınbaymız», – dedi. Europalıq odaq müşeleriniñ bayandamasınan keyin söz söylegen Boris Djonson: «Wlıbritaniyadağı äriptesterim bwl qwjattı birauızdan qoldaydı dep oylaymın. Britan halqınıñ müddesi üşin, eşqanday kedergisiz Odaqtan şıqsaq boladı. Bwl densaulıq saqtau men investiciya salası jaqsarıp, 20 mıñ policiya qızmetkerleriniñ jalaqısı köteriledi degen söz», – dep mälimdedi.

Sonımen, EO sammitinde 27 eldiñ köşbasşısı qoldağan bwl kelisim endi britandıq parlamentte wsınıladı. Üş ret qabıldanbağan Brexit bwl jolı eş kedergisiz 31 qazanğa deyin bekitilui tiis. Taraptar kezekti märte ortaq kelisimge kele almasa, Birikken Korol'dik Odaqtan kelisimsiz ketedi.

Osığan deyin Soltüstik Irlandiyanıñ EO-ğa qarastı birıñğay kedendik aymağında qaluı Djonson wsınğan Brexit boyınşa jaña josparğa tolığımen qayşı keletini aytılğan bolatın. Britandıq prem'erdiñ wsınısı «bekstop» rejimine balama sanaladı. YAğni atalğan jospar EO men bwrınğı prem'er-ministr Tereza Mey Ükimeti arasında qol jetkizilgen kelisimniñ böligi sanaladı.

Birkken Korol'diktiñ prem'eri Boris Djonsonnıñ wsınısına säykes, Soltüstik Irlandiya ötpeli kezeñ ötkennen keyin Keden Odağı qwramınan birjolata şığadı jäne osı aumaqtağı tauarlardıñ barlıq sanatına jañadan kedendik rejim engiziletin boladı.

"The Qazaq Times"