Körneki suret http://today.kz

Wlttıq qauipsizdik komiteti Almatıda terakt jasamaq bolğan adamnıñ sottalğanın habarladı.

Almatı qalası Almalı audandıq qılmıstıq sotınıñ A.J.Bitimbaevtı terrorizm aktisine dayındalu, terrorizmdi nasihattau, dini alauızdıqtı qozdıru jäne atıs qaruın zañsız saqtau faktileri boyınşa 10 jılğa sottau turalı ükimi zañdı küşine endi. Ol WQK nazarına destruktivti dini ideologiyanı wstanuşı jäne Qazaqstan Respublikasında tıyım salınğan «DAIŞ» halıqaralıq terroristik wyımınıñ jaqtası retinde ilikken. Tekseru barısında onıñ ğalamtorda «DAIŞ» ügit-nasihatınıñ ıqpalımen halıq köp şoğırlanğan orındarda jarılğıştı paydalanumen teraktiler dayındauı turalı aqparat alındı.

Tergeu orındarınıñ dereginşe, säuirde Almatıda wstalğan küdikti sodırlarğa qosılu üşin Süriyağa barudı josparlağan.Tintu kezinde odan atıs qaruı men travmatikalıq qaru, qoldan jasalatın jarılğış qwraldar jasauğa arnalğan qwramdas bölşekter, üş sauda-oyın-sauıq ortalığınıñ sızbaları, betperde men qolğap alındı.

Qazaqstan wlttıq qauipsizdik komiteti (WQK) 2018 jılı şildede Tayau Şığısta soğıs bastalğalı beri Süriya men Irakqa Qazaqstannıñ 800-ge juıq azamatı ketkenin habarlağan. 2019 jılı Qazaqstan biligi «Jusan» operaciyası kezinde Süriyadan 516 adamdı jetkizgen, olardıñ 360-ı - bala.

"The Qazaq Times"