الماتىدا تەراكت جاساماق بولعان ادام سوتتالدى

ۇلتتىق قاۋىپسىزدىك كوميتەتى الماتىدا تەراكت جاساماق بولعان ادامنىڭ سوتتالعانىن حابارلادى.

الماتى قالاسى المالى اۋداندىق قىلمىستىق سوتىنىڭ ا.ج.بيتيمباەۆتى تەرروريزم اكتىسىنە دايىندالۋ، تەرروريزمدى ناسيحاتتاۋ، ءدىني الاۋىزدىقتى قوزدىرۋ جانە اتىس قارۋىن زاڭسىز ساقتاۋ فاكتىلەرى بويىنشا 10 جىلعا سوتتاۋ تۋرالى ۇكىمى زاڭدى كۇشىنە ەندى. ول ۇقك نازارىنا دەسترۋكتيۆتى ءدىني يدەولوگيانى ۇستانۋشى جانە قازاقستان رەسپۋبليكاسىندا تىيىم سالىنعان «دايش» حالىقارالىق تەرروريستىك ۇيىمىنىڭ جاقتاسى رەتىندە ىلىككەن. تەكسەرۋ بارىسىندا ونىڭ عالامتوردا «دايش» ۇگىت-ناسيحاتىنىڭ ىقپالىمەن حالىق كوپ شوعىرلانعان ورىنداردا جارىلعىشتى پايدالانۋمەن تەراكتىلەر دايىنداۋى تۋرالى اقپارات الىندى.

تەرگەۋ ورىندارىنىڭ دەرەگىنشە، ساۋىردە الماتىدا ۇستالعان كۇدىكتى سودىرلارعا قوسىلۋ ءۇشىن سۇرياعا بارۋدى جوسپارلاعان.ءتىنتۋ كەزىندە ودان اتىس قارۋى مەن تراۆماتيكالىق قارۋ، قولدان جاسالاتىن جارىلعىش قۇرالدار جاساۋعا ارنالعان قۇرامداس بولشەكتەر، ءۇش ساۋدا-ويىن-ساۋىق ورتالىعىنىڭ سىزبالارى، بەتپەردە مەن قولعاپ الىندى.

قازاقستان ۇلتتىق قاۋىپسىزدىك كوميتەتى (ۇقك) 2018 جىلى شىلدەدە تاياۋ شىعىستا سوعىس باستالعالى بەرى ءسۇريا مەن يراكقا قازاقستاننىڭ 800-گە جۋىق ازاماتى كەتكەنىن حابارلاعان. 2019 جىلى قازاقستان بيلىگى «جۋسان» وپەراتسياسى كەزىندە ءسۇريادان 516 ادامدى جەتكىزگەن، ولاردىڭ 360-ى - بالا.

"The Qazaq Times"