Qazaqstan prezidenti Qasım-Jomart Toqaev Nwr-Swltan qalasınıñ qwrılısın sınğa alıp, köşeleri men ğimarattarınıñ biriñğay dizyn-kodın räsimdeudi tapsırdı.

Bwl jöninde prezident: «Qalada birıñğay qalaqwrılısı sayasatı joq. Bwl keybir audandarda beybereket qwrılıstardıñ jürgiziluine äkep soğadı. Köşeler men ğimarattardıñ biriñğay garmoniyalıq stili joq. Sizder elordanı köruge arnayı kelgen turisterdiñ pikirin oqığan bolarsızdar. Jalpı pikirler jaqsı, biraq olar qalada eklektika barın aytadı. Bir ğimarat bir stil'de, ekinşisi mülde basqa. Eñ bastısı – jaylılıq joq. Plitalar wşıp, asfal't jarılıp jatır, ağaştar az, sonıñ saldarınan qalanı kütip baqpaytını körinedi. Iesi joq Alıstan zäulim ğimarat ädemi körinedi, jaqındap kelseñ şarşağanın bayqauğa boladı. Qojayın kerek. Qojayın retinde negizi audan äkimderi boluı kerek. Olar keñsesinde otıra bermey jayau jürip, twrğındarın bilui kerek, ğimarattardıñ, adamdardıñ ömirin bilui kerek», – dedi.

Sonımen qatar, memleket basşısı: «Qalanıñ qandayda bir şaruaşılıq iesi barı bayqalmaydı. Ärine, aua-rayında eskeru kerek. Soltüstik Europada ornalasqan qalalar da bar emes pe? Sol sebepti keş bolmay twrıp Nwr-Swltan qalasınıñ köşeleri men ğimarattarınıñ biriñğay dizyn-kodın räsimdeudi tapsıramın. Bwl meniñ äkimdikke degen qatañ tapsırma», – dedi.

"The Qazaq Times"