El astanasındağı «Til tazalığı – barşağa ortaq is» jobası qarqındı jürude. Kezek – jekemenşik balabaqşalarğa keldi. Esteriñizde bolsa, qalalıq Tilderdi damıtu jäne arhiv isi Basqarması men qalalıq käsipkerler palatası birigip jekemenşik balabaqşa basşılarınıñ qatısuımen jiın aşqanın habarlağanbız.

Basqosuda bala baqşa jetekşilerine jobanıñ maqsatı tüsindirilip, aldağı bolatın qadağalau jwmıstarı turalı aytılğan. Endi mine, arnayı top naqtı iske kiristi.

– Jwmısımızdı Almatı audanınan bastadıq, – deydi qalalıq Tilderdi damıtu jäne arhiv isi Basqarmasınıñ bas mamanı Aygül Ğizatqızı, – Jalpı, qalada 210 jekemenşik balabaqşa bolsa, köp böliginiñ mañdayşa atauları men sırtqı (körneki) jarnaması til turalı zañnıñ talaptarına say emes. Büldirşinder eldiñ erteñgi iesi, memlekettik tildi arı qaray örkendetip, är salada berik ornıqtıratın janaşırları. Bala baqşadağı til tazalığı - wrpaq sanasınıñ tazalığı ekenin eskersek, bwl şaranı ötkizudiñ mañızı öte joğarı.

Jwmıs kezinde Täuelsizdik dañğılında ornalasqan "Murzilka" bala baqşasında til talaptarı öreskel bwzılğanı anıqtaldı. Tek resmi tilde bilim beretin wyımnıñ basşısına eskertu jasaldı.

Kerisinşe, memlekettik tilde bilim beretin "Gauhartas" bala baqşasında eşqanday zañ bwzuşılıq joq bolıp şıqtı. Al, "Aydın" bala baqşasınıñ sırtqı körneki aqparattarı memlekettik til talaptarına say emes. Wyım basşısı kemşilikti dwrıs tüsinip, zañ bwzğan jarnama, körneki aqparattarın alıp tasaytın boldı.

Jekemenşik bala baqşalardağı tildik jağdaydı anıqtau qalanıñ tört audanında jürip jatır. Oğan audan äkimdikterindegi bilim bölimderi mamandarı jäne qoğam belsendilerinen qwralğan sarapşı top ökilderi atsalısuda. Ayta keterligi, bügingi Almatı audanında ötken şarağa qalallıq Bilim basqarmasınıñ qızmetkerleri qatıspadı. Olar kelesi tekserude keletinderin bildirdi.

Sonımen, akciyanıñ kezekti şarası jeke menşik balabaqşalardan bastaldı. Onıñ özindik mäni de joq emes. Büldirşinder eldiñ erteñgi iesi, memlekettik tildi arı qaray örkendetip, är salada berik ornıqtıratın janaşırları ekeni mälim. Bala baqşadağı til tazalığı - wrpaq sanasınıñ tazalığı ekeni  de dausız. Bwdan bwrın akciya ayasında jürgizilgen jwmıstar boyınşa jekemenşik balabaqşalardıñ sırtqı jarnaması men körneki aqparattarınıñ sın kötermeytindigi anıqtalğan. Elordamızda 210 jekemenşik balabaqşa bolsa, köp böliginiñ mañdayşa atauları men sırtqı (körneki)  jarnaması til turalı zañnıñ talaptarına say emes bolıp şıqqan.

“The Qazaq Times”