Foto: bizeducate.com

Özbek barlauşıları belsendileri men dissidentterine qarsı satılımdağı komp'terlik qwraldardı paydalanğan. Osılay dep Londonda ötken VirusBulletin konferenciyasında «Kasperskiy zerthanasınıñ» kiberqauipsizdik jönindegi mamandarı mälimdedi dep jazadı Ortalıq Aziya jañalıqtar qızımeti Reuters-ke silteme jasap.

Özbek kiberbarlauşılarınıñ qızmeti jayında zertteuşi Brayan Bartolom'yu mälimdedi. Ol SandCat hakerlik toptıñ Özbekstan wlttıq qauipsizdik qızmetimen tikeley baylanısı bar deydi.

SandCat eñ auır troyandar men virustar äzirleumen aynalısqan. Jelige qarsı şabuıl jasaytın qwraldardı olar aşıq bazardan satıp alıp otırğan.

Mwnı anıqtau üşin hakerlerdiñ birneşe komp'yuterine Kasperskiydiñ virusqa qarsı jüyesin ornatadı. Ol kümändi kodtı anıqtaydı. Keyin kümändi virustı zerttegende, onıñ IP-adresi Taşkenttegi 02616 äskeri bölimine tirkelgeni belgili boladı.

Bwl äskeri bölim jurnalist Bobomurod Abdullaevtıñ isinde bir-eki märte aytılğan. Jurnalistiñ advokatınıñ aytuınşa, atalğan äskeri bölim tilşiniñ komp'yuterlerin tärkilep, sot saraptamasına jibergen.

Sarapşılar sonımen birge kiberşabuıl jasaytın domenniñ Omonillahon Hodjakbarov degenniñ atına tirkelgenin de anıqtağan. Keyin belgili bolğanday ol Wlttıq qauipsizdik qızmetinde jwmıs isteytin bolıp şıqqan. 2005 jılı ol memleket sıylığın alğan dep jazadı Reuters.

Brayan Bartolom'yu SandCat hakerlik tobı negizinen qwqıq qorğauşılar, jurnalister jäne dissidentterdiñ komp'yuterine şabuıl jasaydı deydi.

"The Qazaq Times"