ءوزبەك بارلاۋشىلارى بەلسەندىلەرى مەن ديسسيدەنتتەرىنە قارسى ساتىلىمداعى كومپتەرلىك قۇرالداردى پايدالانعان. وسىلاي دەپ لوندوندا ءوتكەن VirusBulletin كونفەرەنتسياسىندا «كاسپەرسكي زەرتحاناسىنىڭ» كيبەرقاۋىپسىزدىك جءونىندەگى ماماندارى مءالىمدەدى دەپ جازادى ورتالىق ازيا جاڭالىقتار قىزىمەتى Reuters-كە سىلتەمە جاساپ.
وزبەك كيبەربارلاۋشىلارىنىڭ قىزمەتى جايىندا زەرتتەۋشى برايان بارتولوميۋ مالىمدەدى. ول SandCat حاكەرلىك توپتىڭ وزبەكستان ۇلتتىق قاۋىپسىزدىك قىزمەتىمەن تىكەلەي بايلانىسى بار دەيدى.
SandCat ەڭ اۋىر تروياندار مەن ۆيرۋستار ازىرلەۋمەن اينالىسقان. جەلىگە قارسى شابۋىل جاسايتىن قۇرالداردى ولار اشىق بازاردان ساتىپ الىپ وتىرعان.
مۇنى انىقتاۋ ءۇشىن حاكەرلەردىڭ بىرنەشە كومپيۋتەرىنە كاسپەرسكيدىڭ ۆيرۋسقا قارسى جۇيەسىن ورناتادى. ول كۇماندى كودتى انىقتايدى. كەيىن كۇماندى ۆيرۋستى زەرتتەگەندە، ونىڭ IP-ادرەسى تاشكەنتتەگى 02616 اسكەري بولىمىنە تىركەلگەنى بەلگىلى بولادى.
بۇل اسكەري ءبولىم جۋرناليست بوبومۋرود ابدۋللاەۆتىڭ ىسىندە ءبىر-ەكى مارتە ايتىلعان. ءجۋرناليستىڭ ادۆوكاتىنىڭ ايتۋىنشا، اتالعان اسكەري ءبولىم ءتىلشىنىڭ كومپيۋتەرلەرىن تاركىلەپ، سوت ساراپتاماسىنا جىبەرگەن.
ساراپشىلار سونىمەن بىرگە كيبەرشابۋىل جاسايتىن دومەننىڭ ومونيللاحون حودجاكباروۆ دەگەننىڭ اتىنا تىركەلگەنىن دە انىقتاعان. كەيىن بەلگىلى بولعانداي ول ۇلتتىق قاۋىپسىزدىك قىزمەتىندە جۇمىس ىستەيتىن بولىپ شىققان. 2005 جىلى ول مەملەكەت سىيلىعىن العان دەپ جازادى Reuters.
برايان بارتولوميۋ SandCat حاكەرلىك توبى نەگىزىنەن قۇقىق قورعاۋشىلار، جۋرناليستەر جانە ديسسيدەنتتەردىڭ كومپيۋتەرىنە شابۋىل جاسايدى دەيدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى