Auğanstandağı saylau. Foto: Anadolı.

Auğanstan ükimeti eldegi älsiz bolsa da demokratiya qwndılığın saqtap qalu üşin saylau ötkizdi. Saylau qarsañında qauipsizdik şaraları küşeytilgenimen, saylau küniniñ özinde Auğanstanda 68 märte qarulı şabuıl bolıp, 4 qauipsizdik qızmetker qaza tapqan.

Auğanstandağı prezident saylauınıñ ümitkerleri qatarında osığan deyingi prezident Aşraf Ğani men onıñ bwrınğı sayasi odaqtası Abdolla Abdulla bäsekege tüsti. Alayda, eldiñ basım köp aumağın tälipter baqılauına alıp twrğandıqtan, köptegen sarapşılar kezekti saylaunıñ legatimdiliginen kümändanadı. Eki sayasatker bilikte otırğan 5 jılda Auğanstandağı zorlıqtı küş pen qaqtığıs küşeygen.

Auğanstandıqtardıñ basım köbi ükimetke sene bermeydi. Tipti birqatarı saylauğa dauıs beruden qorqadı. Olarğa Auğanstan ükimetin moyındamaytın tälipterdiñ ıqpalı bar.

Saylau küni el köleminde tälipter jağınan 68 ret qarulı şabuı jasaldı. Nätijesinde, 4 qauipsizdik qızmetkeri qaza tauıp, 72 adam jaraqat alğan. Auğan ükimeti tälipterge bağıttalğan 13 qarulı operaciyadan 34 «Taliban» müşesi joyılğanın mälimdedi. Al, tälipter jasağan mälimdemede, ükimet küşteriniñ auır şığınğa batqanı aytıladı. Olar qauipsizdik küşterinen ölgender men jaralanğandar bolıp 400-den astam adam zardap şekkenin aytadı.

“The Qazaq  Times”