Iran halıqaralıq qauımdastıqtı AQŞ-tıñ sankciyaların toqtatuğa mäjbürleuin swradı. Iran SİM basşısı Mwhammad Javad Zarif AQŞ-tıñ Iran medicina salası men däri-därmekterine salğan sankciyasın ekonomikalıq lañkestik qatarında bağaladı.

Zarif mälimdemesinde AQŞ-tıñ Iranğa bağıttağan sankciyalarınan irandıq beybit halıqtıñ zardap şegip otırğanın basa ayttı. Onıñ aytuınşa, AQŞ sankciyası Irannıñ medicina jabdıqtarın satıp aluına kedergi keltirgen. Nätijesinde qarapayım azamattar AQŞ sankciyasınıñ zardabına wşırağan.

Iran SİM basşısı sözinde: «Halıqaralıq qauımdastıq AQŞ pen onıñ odaqtastarı Irannıñ medicina jäne däri-därmekterine salğan sankciyasın toqtatuğa mäjbürleui kerek», – degen.

«AQŞ-tıñ Iran rejimin özgertuge jasap jatqan äreketteri klassikalıq lañkestikke wqsasa, soñğı qadamdarı «ekonomikalıq lañkestik», – dep mälimdedi Iran sırtqı ister ministri N'yu-Yorktegi mälimdemesinde.

“The Qazaq Times”