يران حالىقارالىق قاۋىمداستىقتى اقش-تىڭ سانكتسيالارىن توقتاتۋعا ماجبۇرلەۋىن سۇرادى. يران ءسىم باسشىسى مۇحامماد جاۆاد زاريف اقش-تىڭ يران مەديتسينا سالاسى مەن ءدارى-دارمەكتەرىنە سالعان سانكتسياسىن ەكونوميكالىق لاڭكەستىك قاتارىندا باعالادى.

زاريف مالىمدەمەسىندە اقش-تىڭ يرانعا باعىتتاعان سانكتسيالارىنان يراندىق بەيبىت حالىقتىڭ زارداپ شەگىپ وتىرعانىن باسا ايتتى. ونىڭ ايتۋىنشا، اقش سانكتسياسى يراننىڭ مەديتسينا جابدىقتارىن ساتىپ الۋىنا كەدەرگى كەلتىرگەن. ناتيجەسىندە قاراپايىم ازاماتتار اقش سانكتسياسىنىڭ زاردابىنا ۇشىراعان.

يران ءسىم باسشىسى سوزىندە: «حالىقارالىق قاۋىمداستىق اقش پەن ونىڭ وداقتاستارى يراننىڭ مەديتسينا جانە ءدارى-دارمەكتەرىنە سالعان سانكتسياسىن توقتاتۋعا ماجبۇرلەۋى كەرەك»، – دەگەن.

«اقش-تىڭ يران رەجيمىن وزگەرتۋگە جاساپ جاتقان ارەكەتتەرى كلاسسيكالىق لاڭكەستىككە ۇقساسا، سوڭعى قادامدارى «ەكونوميكالىق لاڭكەستىك»، – دەپ مالىمدەدى يران سىرتقى ىستەر ءمينيسترى نيۋ-يوركتەگى مالىمدەمەسىندە.

“The Qazaq Times”