AQŞ Kongresi. Foto: https://vybor.news

AQŞ Kongresi Pol'şağa F-35 besinşi buındı 32 joyğış-bombalauşı qwrılğıların satuğa kelisim berdi. Bwl turalı Pol'şanıñ Wlttıq qorğanıs ministri Mariuş Blaşak Twitter paraqşasında habarladı.

«AQŞ Kongresi Pol'şağa 32 zamanaui F-35 wşağın satuğa kelisim berdi. Bwl şart jasasu aldındağı soñğı qadamdardıñ biri, biraq bwl bizdiñ jwmısımızdıñ soñı emes. Biz barınşa tiimdi bağa alu üşin barlıq mümkindikterdi jasaymız», – dedi ministr.

11 qırküyekte AQŞ Qorğanıs ministrliginiñ qauipsizdik jönindegi (Defense Security Cooperation Agency) basqarması habarlağanday, ükimetaralıq kelisimşarttar boyınşa amerikalıq äkimşilik Pol'şağa F-135 turboreaktivti eki konturlı qozğaltqışın, sonday-aq ilespe jabdıqtı satuğa şeşim qabıldadı.

Qos tarap arasındağı kelisimşarttıñ qwnı $6,5 mlrd. bağalanğan. Degenmen, Pol'şa biligi atalğan somanıñ azayatının ayttı.

"The Qazaq Times"