АҚШ Конгресі. Фото: https://vybor.news

АҚШ Конгресі Польшаға F-35 бесінші буынды 32 жойғыш-бомбалаушы құрылғыларын сатуға келісім берді. Бұл туралы Польшаның Ұлттық қорғаныс министрі Мариуш Блащак Twitter парақшасында хабарлады.

«АҚШ Конгресі Польшаға 32 заманауи F-35 ұшағын сатуға келісім берді. Бұл шарт жасасу алдындағы соңғы қадамдардың бірі, бірақ бұл біздің жұмысымыздың соңы емес. Біз барынша тиімді баға алу үшін барлық мүмкіндіктерді жасаймыз», – деді министр.

11 қыркүйекте АҚШ Қорғаныс министрлігінің қауіпсіздік жөніндегі (Defense Security Cooperation Agency) басқармасы хабарлағандай, үкіметаралық келісімшарттар бойынша америкалық әкімшілік Польшаға F-135 турбореактивті екі контурлы қозғалтқышын, сондай-ақ ілеспе жабдықты сатуға шешім қабылдады.

Қос тарап арасындағы келісімшарттың құны $6,5 млрд. бағаланған. Дегенмен, Польша билігі аталған соманың азаятынын айтты.

"The Qazaq Times"