Ündistannıñ apparatı qwlağan aumaq. Foto: NASA.

AQŞ-tıñ Ğarış agenttigi Ündistannıñ Aydı barlau jobası sätsiz ayaqtalğanın mälimdedi. NASA jasağan mälimetke qarağanda, Ündistannıñ Ayğa wşırğan «Çandrayan-2» apparatı Ay betine qwlağan.

NASA öziniñ «Tvitter» paraqşasında jariyalağan suretterde apparattıñ Ay betindegi qonatın aumağın körsetedi, biraq apparattıñ naqtı qayda qwlap tüskeni anıq emes.

Ündistan wşırğan «Çandrayan-2» (Ay sputnigi – 2) 7 qırküyekte Aydıñ oñtüstigine jetken bolatın. Qonuğa jaqın qalğanda (Ay betine 2,1 metr) apparattan tehnikalıq aqaular payda bolıp, baylanıs üzilgen. Ündistan bwl ğarış apparatın jasap şığaruğa 150 mln AQŞ dolları kölemindegi qarjı jwmsağan. Eger joba sätti bolğanda Ündistan Aydıñ oñtüstik betine qonğan alğaşqı el retinde tarihta qalar edi.

Soñğı jıldarı Ündistan ğarış barlau salasın bar küşimen damıtıp keledi. El prem'eri Modi de ğarış salasın damıtu eldiñ bastı bağıtınıñ biri bolatının aytqan. Biraq, el oppoziciyası ğarışqa şaşqan qarjını eldegi kedeylerdiñ jağdayın jaqsartuğa jwmsau kerek dep qaraydı.

 

“The Qazaq Times”