ءۇندىستاننىڭ بارلاۋ اپپاراتى اي بەتىنە قۇلاعان

اقش-تىڭ عارىش اگەنتتىگى ءۇندىستاننىڭ ايدى بارلاۋ جوباسى ءساتسىز اياقتالعانىن مالىمدەدى. NASA جاساعان مالىمەتكە قاراعاندا، ءۇندىستاننىڭ ايعا ۇشىرعان «چاندرايان-2» اپپاراتى اي بەتىنە قۇلاعان.

NASA ءوزىنىڭ «تۆيتتەر» پاراقشاسىندا جاريالاعان سۋرەتتەردە اپپاراتتىڭ اي بەتىندەگى قوناتىن اۋماعىن كورسەتەدى، بىراق اپپاراتتىڭ ناقتى قايدا قۇلاپ تۇسكەنى انىق ەمەس.

ءۇندىستان ۇشىرعان «چاندرايان-2» (اي سپۋتنيگى – 2) 7 قىركۇيەكتە ايدىڭ وڭتۇستىگىنە جەتكەن بولاتىن. قونۋعا جاقىن قالعاندا (اي بەتىنە 2,1 مەتر) اپپاراتتان تەحنيكالىق اقاۋلار پايدا بولىپ، بايلانىس ۇزىلگەن. ءۇندىستان بۇل عارىش اپپاراتىن جاساپ شىعارۋعا 150 ملن اقش دوللارى كولەمىندەگى قارجى جۇمساعان. ەگەر جوبا ءساتتى بولعاندا ءۇندىستان ايدىڭ وڭتۇستىك بەتىنە قونعان العاشقى ەل رەتىندە تاريحتا قالار ەدى.

سوڭعى جىلدارى ءۇندىستان عارىش بارلاۋ سالاسىن بار كۇشىمەن دامىتىپ كەلەدى. ەل پرەمەرى مودي دە عارىش سالاسىن دامىتۋ ەلدىڭ باستى باعىتىنىڭ ءبىرى بولاتىنىن ايتقان. بىراق، ەل وپپوزيتسياسى عارىشقا شاشقان قارجىنى ەلدەگى كەدەيلەردىڭ جاعدايىن جاقسارتۋعا جۇمساۋ كەرەك دەپ قارايدى.

“The Qazaq Times”