Reseydiñ «agressiyalıq sayasatı»: Zelenskiy Batıs elderinen kömek swradı

Ukraina prezidenti Vladimir Zelenskiy BWW Bas assambleyasınıñ 74-şi sessiyasında Reseydi Qırım anneksiyasına qatıstı ayıptap, Ukrainağa qarsı agressiyalıq sayasat jürgizip otır dedi. Zelenskiy bayandamasınıñ negizgi tüyini – aldağı jıldarı Ukrainanıñ Reseyden irgesin aulaq salıp, Batıs elderimen baylanıstı nığaytu deuimizge boladı.

«Donbasstağı soğıs bes jıl boyına jalğasıp keledi. Reseydiñ Qırımdı anneksiyalağanına da bes jıl. Bügin, halıqaralıq qwqıqtıñ mıñdağan bağıttarı jäne älemdi qorğauğa arnalğan jüzdegen wyımdar bar kezde, däl osı bizdiñ elimiz öz azamattarın joğaltıp, öziniñ egemendigi men aumaqtıq twtastığına qarsı sayasattıñ qwrbanı bop otır. Osığan deyin 13 mıñnan astam adam qaza taptı, 30 mıñı jaralandı, 1,5 mln adam öz üylerin tastap ketuge mäjbür boldı. Jäne jıl sayın bwl sandar ösip otır», – dedi ol.

Älemde aşıq şayqastardıñ bop jatqanın aytqan ol, Reseydiñ äli künge deyin agressiyalıq bağıttı wstantınına toqtaldı. Sonımen qatar, memleket basşısı lauazımındağı onıñ bastı mindeti Donbasstağı soğıstı ayaqtau jäne Qırımdı qaytaru ekenin mälimdedi. «Soğıstı ayaqtau, barlıq okkupaciyalanğan ukrain territoriyaların qaytaru meniñ bastı mindetim», – dedi ol. Tüpki maqsattıñ orındaluı üşin AQŞ jäne Europa elderinen kömek swradı.

Bwğan deyin Zelenskiydiñ izaşarı Petr Poroşenko da är türli halıqaralıq şaralarda Resey sayasatın ayıptap, naqtı dälelder keltire bayandama jasaytın.

Ukraina prezidenti sonday-aq halıqaralıq qatınastardıñ qazirgi zamanğı erejelerin qayta qarastıru jäne halıqaralıq wyımdardı jañartu qajet dedi. Älemde orın alıp otırğan şielenis oşaqtarınıñ jahandıq mañızı bar ekenin aytqan Zelenskiy: «Bügingi jaña älemde bizdiñ memleketimiz öz aumağınıñ bir böligin joğaltıp, kün sayın öz azamattarınan ayırılıp otır. Sol sebepti Ukraina qazirgi zamanğı älemdik erejelerdi qayta oylastıru qajettiligi turalı nelikten ayta almaydı? Biz halıqaralıq instituttardıñ, atap aytqanda BWW bedeline kümän keltirmeymiz, biraq sayasi tetikterdiñ minsiz emestigin moyındauımız kerek. Qoğamğa say, halıqqa ıñğaylı boluı üşin älemdik tärtipti, bağıttardı jañartuımız qajet», – dedi ol.

2014 jılı aqpanda Ukrainadağı memlekettik töñkeris jäne prezident Viktor YAnukoviçtiñ bilikten şettetiluinen keyin eldegi orıs tildi twrğındar basım aymaqtarda jappay narazılıqtar bastaldı. Kiev biligi sol jılı säuirde Donbassta äskeri operaciya bastadı. Aymaqta auqımdı gumanitarlıq apat orın aldı. Sol uaqıttan beri Ukraina biligi Resey biligin jäne Vladimir Putin sayasatın ayıptap keledi. Europa elderi men AQŞ ta Reseyden agressiyalıq sayasattı toqtatudı talap etken.

"The Qazaq Times"