Sararqa audanındağı til zañın bwzğan janramalar alındı.

            «Til tazalığı – barşağa ortaq is» jobası elordanıñ barlıq tört audanında jürgizilip jatqanın habarlağan edik. Joba ayasınağı kezekti şaralar Sarıarqa audanında, atap aytqanda Şäymerden Qosşığwlwlı köşesi boyında jalğasın taptı.

         Joba jwmısına Qalalıq Tilderdi damıtu jäne arhiv isi basqarması mamandarı, Sarıarqa audandıq äkimdiktiñ qızmetkeri jäne qoğamdıq belsendi sarapşılardan qwrılğan top qatıstı. Olar köptegen nısandardağı jarnama, körneki aqparattardan til talaptarına say emes zañ bwzuşılıqtar anıqtadı.

– Keybir nısan ieleri bizdiñ qızmetimizge kedergi keltirgisi keledi deydi, – Qalalıq Tilderdi damıtu jäne arhiv isi basqarmasınıñ bas mamanı Aygül Ğizatqızı, - Olar bizden qanday negizde tekseru jürgizip jatqanımızdı swrap, öz isteriniñ dwrıstığın däleldegisi keledi. Negizi, Til turalı zañ sekildi barşağa ortaq, halıqtıq sipatı bar zañdardı jwrtşılıq, äsirese käsipkerler bilui kerek. Olar jarnama, körneki aqparat ilmes bwrın onıñ qay tilde jazıluı kerektigi turalı tiisti mekemelerden anıqtap, bilui tiis. Ökinişke oray, köptegen käsip ieleri öz betinşe jarnama mätinin jazıp, memlekettik til zañına qayşı kelgen, – deydi Aygül Imanğali.

Sararqa audanındağı til zañın bwzğan janramalar alındı.

Joba ayasındağı şarağa qoğam belsendileri de qatısıp, öz ülesterin qosuda.

– Qala boyınşa aytatın bolsaq, jarnama, körneki aqparattardı ornalastıru zañnıñ şeñberinen şığıp ketken deydi, – sarapşı toptıñ müşesi, til janaşırı Azamat Keñeswlı. – Bwl barısta Qalalıq Tilderdi damıtu basqarmasınıñ mümkindikteri şekteuli. Oğan är audannıñ Säulet, qala qwrılısı jäne jer qatınastarı bölimderi bastağan äkimşilik mekemeler qoldau körsetu kerek. Äytpegende, bir ğana basqarmanıñ küşi jetpeydi, biraq soğan qaramay olar barınşa tığız kestemen jwmıs istep jatır. Keybir audannıñ bölimderi jaqsı selbesude. Ökinişke oray, keybir audandar qala äkimdigi qoldap otırğan bwl jobağa enjarlıq tanıtuda. Bwl joba – atı aytıp twrğanday barşağa ortaq is bolğandıqtan, küş biriktire jwmıs isteumiz kerek, – deydi ol.

Nısandardı aralağan top köptegen zañsız jarnamalardı sol mezette aldırıp tastadı. Keybir nısan ieleri uaqıt swradı. Qala auqımı öte ülken ekenin jäne soğan oray zañ bwzuşılıqtardıñ da köp ekenin eskersek, atalğan jobağa köp küş jwmsaudı qajet etedi. Qazir bwl şara qoğam tarapınan da qoldau tabuda. Qarapayım azamattar da zañ bwzuşılıqtardı anıqtauğa kömektesip, özderiniñ oñ közqarastarın bildirude. Jwmıs toptarınıñ qızmeti arı qaray jalğasın taba beretin boladı.

 

“The Qazaq Times”