N'yu-York qalasında Ortalıq Aziya SİM basşıları bas qostı. Foto; QR SİM

BWW Bas Assambleyasınıñ 74-şi sessiyasına qatısu üşin prezident Toqaev bastağan delegaciya Qwrama Ştat jerinde saparda. Keşe N'yu-York qalasında «S5+1» dialogınıñ ministrler otırısı ötti. Oğan Qazaqstandı qamtığan Ortalıq Aziyadağ bes el men AQŞ-tıñ SİM basşıları, sırtqı sayasi vedomstvo ökilderi, elşileri qatıstı.

QR Sırtqı ster ministrliginiñ resmi saytınıñ habarlauınşa, Dialogqa AQŞ memlekettik hatşısı Mayk Pompeo özi qatısqan. QR SİM basşısı Mwhtar Tileuberdi men Qırğızstan, Özbekstan, Täjikstan SİM basşıları jäne Türkimenstannıñ AQŞ-tağı elşisi bas qosqan.

QR SİM basşısı men AQŞ memlekettik hatşısı. Foto: QR SİM.

Bas qosudağı negizgi talqı taqırıptarın şola ayta ketsek, AQŞ pen Orta Aziya elderiniñ sauda-investiciyalıq baylanıstarı; onı keñeytu, damıtu, jalğastıru mäseleleri jäne Orta Aziyağa töngen jaña qauipter taqırıbı; AQŞ-tıñ damudı ıntalandıruğa salınğan investiciyaların Orta Aziya elderiniñ infraqwrılımın damıtuğa qaray köbirek tartu mäseleleri söz bolğan.

Pompeo bas qosuda Orta Aziya elderin qaqtığıs aymaqtarınan öz azamattarın qaytarıp alu isinde älemge ülgi bolğanın alğa tartıp, körşiles bes eldiñ «köpşigin qalıñdatıp qoyğan eken». Bwnı ayta kelip, Orta Aziyanıñ twraqtılığı men twraqtı damuı üşin Auğanstanmen baylanısı damıtu degen wsınısın da aytıptı.

Ayta keteyik, «S5+1» dep atalatın dialog formatı AQŞ pen Ortalıq Aziyadağı bes bauırlas, körşiles elderdiñ dialog jobası. Alğaşqı kezdesulerin 2015 jılı tap sol N'yu-York qalasında bastağan. Jaqında ğana elimizdiñ ortalıq qalasında Pompeonıñ orınbasarı Devid Heyldiñ qatısuımen joğarı deñgeydegi kezdesu ötkizgen bolatın.

Aytpay ketse bolmas, AQŞ Tramp ükimeti twsında Şınjañ mäselesin, Qıtay ükimetiniñ osı avtonomiyalı regiondağı az sandı wlttarğa jasağan qısımın köbirek köterip, resmi mälimdemelerine deyin qosarlap keledi. Degenmen, Pompeonıñ Şınjañ mäselesi turasındağı mälimdemesi bir ğana wyğır mäselesimen ğana şektelip jatqanın anıq bayqaymız. Bwnıñ sol öñirdegi ata qonısında otırğan million jarımğa juıq qazaq müddesiniñ eskerilmegenin, mümkin maqsattı türde eskerilmegenin de añğartqanday. Endigi jerde Aq üy qatısqan kezekti sayasi mäselelerge, aşalap aytqanda wyğır mäselesine «S5+1» arqılı Orta Aziya elderin tartuı da ğajap emes. Bwl ıqtimaldıqtardı biz üşin aldın ala boljam jasau asa mañızdı.

"The Qazaq Times"