N'yu-Yorkte kelesi jıldıñ 17 qırküyegine deyin jalğasatın BWW Bas assambleyasınıñ kezekti 74-sessiyası bastaladı. Taqırıptar ğalamdıq mäselelerdiñ barlıq spektri qarastırılatın 170-ten astam mäselelerdi qamtidı: aymaqtıq qaqtığıstardan bastap, qazirgi ekonomikalıq, ekologiyalıq jäne gumanitarlıq mäselelerge deyin.

Biıl 114 memleket köşbasşıları men 80-nen astam eldiñ sırtqı ister ministrleri 24-30 qırküyek arasında BWW Bas Assambleyasınıñ sammitine qatısıp, jahandıq mäselelerdi talqığa salmaq.

Sessiyanıñ alğaşqı küni BWW Bas hatşısı Antoniu Gutteriş, Nigeriyanıñ BWW-dağı ökili Tidjani Mwhammed-Bande söz söylemek. 1946 jılı Bas Assambleyanıñ alğaşqı sessiyasında braziliyalıq Luis Martins de Souzanıñ birinşi bolıp mälimdeme jasauına baylanıstı biıl da memleketterden birinşi bolıp Braziliya basşısı debat jürgizedi. Al AQŞ prezidenti Donal'd Tramp ekinşi bolıp mälimdeme jasaydı.

2018 jılı qırküyekte BWW törağalığına AQŞ saylanıp, Donal'd Tramp Keñes otırısın eki ret basqarğan bolatın. Aldağı uaqıtta Resey BWW tarabımen joğarı deñgeydegi eki kezdesu wyımdastırudı josparlap otır. YAğni biıl BWW törağalığı Mäskeuge tapsırıluı mümkin. Sonımen qatar, memlekettik basılımdardıñ sözine sensek, biılğı kezdesuge Qazaqstan prezideni Qasım-Jomart Toqaev ta qatısuı mümkin.

Osı jılı aptanıñ negizgi taqırıptarı retinde memleketter arasındağı qaqtığıs, diplomatiyalıq baylanıs, yadrolıq qaru jäne özge de halıqaralıq mäseleler talqığa salınadı. Birinşi kezekte AQŞ pen Iran qarım-qatınası ortağa salınıp, eki el basşıları Tramp men Hasan Ruhanidiñ resmi kezdesui wyımdastırılmaq. Jaqında Ruhani Tehrannıñ Uaşingtonmen kelissözder jürgizbeytinin aytqannan keyin, qos el basşıları aradağı qaqtığıstı betpe-bet talqılağan joq.

BWW-da KHDR mäselesine de erekşe nazar audarılmaq. AQŞ pen KHDR dialogı ayasında birqatar sarapşılar Soltüstik Koreya köşbasşısı Kim Çen Innıñ N'yu-Yorkke kelui ekitalay deydi. Degenmen, sessiyanıñ ekinşi küni KHDR-diñ zımırandı wşıruı, yadrolıq kelisimge arnalğan.

BWW-dağı eñ mañızdı kezeñ ekinşi apta bolmaq. Sebebi, osı kezde joğarı deñgeydegi sayasi pikirtalastar josparlanğan. Sahnağa 114 memlekettiñ köşbasşıları, sonday-aq 80-den astam ükimet pen diplomatiyalıq agenttikterdiñ basşıları qatısadı, olardıñ mälimdemesi dästürli türde Bas assambleyanıñ jwmısına arnalğan.

Jalpı sayasi pikirtalas ayaqtalğannan keyin sessiyağa qatısuşılar köptegen qarar jobaların talqılauğa kirispek. Olardıñ arasında jıl sayın nazar audaratın qwjattar bar, mısalı, nacizmdi däripteu äreketterine qarsı qarar, Palestina-Izrail' kelisimi turalı 16 qwjat paketi. Alayda, GA eñ aldımen öz jwmısında payda bolğan halıqaralıq problemalarğa nazar audaradı, sondıqtan wyım beybitşilik pen qauipsizdikke qauip töndiretin taqırıptar boyınşa tötenşe jağdaydağı şeşimderdi qarastıradı.

"The Qazaq Times"