نيۋ-يوركتە كەلەسى جىلدىڭ 17 قىركۇيەگىنە دەيىن جالعاساتىن بۇۇ باس اسسامبلەياسىنىڭ كەزەكتى 74-سەسسياسى باستالادى. تاقىرىپتار عالامدىق ماسەلەلەردىڭ بارلىق سپەكترى قاراستىرىلاتىن 170-تەن استام ماسەلەلەردى قامتيدى: ايماقتىق قاقتىعىستاردان باستاپ، قازىرگى ەكونوميكالىق، ەكولوگيالىق جانە گۋمانيتارلىق ماسەلەلەرگە دەيىن.

بيىل 114 مەملەكەت كوشباسشىلارى مەن 80-نەن استام ەلدىڭ سىرتقى ىستەر مينيسترلەرى 24-30 قىركۇيەك اراسىندا بۇۇ باس اسسامبلەياسىنىڭ سامميتىنە قاتىسىپ، جاھاندىق ماسەلەلەردى تالقىعا سالماق.

سەسسيانىڭ العاشقى كۇنى بۇۇ باس حاتشىسى انتونيۋ گۋتتەريش، نيگەريانىڭ بۇۇ-داعى وكىلى تيدجاني مۇحاممەد-باندە ءسوز سويلەمەك. 1946 جىلى باس اسسامبلەيانىڭ العاشقى سەسسياسىندا برازيليالىق لۋيس مارتينس دە سوۋزانىڭ ءبىرىنشى بولىپ مالىمدەمە جاساۋىنا بايلانىستى بيىل دا مەملەكەتتەردەن ءبىرىنشى بولىپ برازيليا باسشىسى دەبات جۇرگىزەدى. ال اقش پرەزيدەنتى دونالد ترامپ ەكىنشى بولىپ مالىمدەمە جاسايدى.

2018 جىلى قىركۇيەكتە بۇۇ توراعالىعىنا اقش سايلانىپ، دونالد ترامپ كەڭەس وتىرىسىن ەكى رەت باسقارعان بولاتىن. الداعى ۋاقىتتا رەسەي بۇۇ تارابىمەن جوعارى دەڭگەيدەگى ەكى كەزدەسۋ ۇيىمداستىرۋدى جوسپارلاپ وتىر. ياعني بيىل بۇۇ توراعالىعى ماسكەۋگە تاپسىرىلۋى مۇمكىن. سونىمەن قاتار، مەملەكەتتىك باسىلىمداردىڭ سوزىنە سەنسەك، بيىلعى كەزدەسۋگە قازاقستان پرەزيدەنى قاسىم-جومارت توقاەۆ تا قاتىسۋى مۇمكىن.

وسى جىلى اپتانىڭ نەگىزگى تاقىرىپتارى رەتىندە مەملەكەتتەر اراسىنداعى قاقتىعىس، ديپلوماتيالىق بايلانىس، يادرولىق قارۋ جانە وزگە دە حالىقارالىق ماسەلەلەر تالقىعا سالىنادى. ءبىرىنشى كەزەكتە اقش پەن يران قارىم-قاتىناسى ورتاعا سالىنىپ، ەكى ەل باسشىلارى ترامپ مەن حاسان ءرۋحانيدىڭ رەسمي كەزدەسۋى ۇيىمداستىرىلماق. جاقىندا رۋحاني تەھراننىڭ ۋاشينگتونمەن كەلىسسوزدەر جۇرگىزبەيتىنىن ايتقاننان كەيىن، قوس ەل باسشىلارى اراداعى قاقتىعىستى بەتپە-بەت تالقىلاعان جوق.

بۇۇ-دا كحدر ماسەلەسىنە دە ەرەكشە نازار اۋدارىلماق. اقش پەن كحدر ديالوگى اياسىندا بىرقاتار ساراپشىلار سولتۇستىك كورەيا كوشباسشىسى كيم چەن ىننىڭ نيۋ-يورككە كەلۋى ەكىتالاي دەيدى. دەگەنمەن، سەسسيانىڭ ەكىنشى كۇنى كحدر-ءدىڭ زىمىراندى ۇشىرۋى، يادرولىق كەلىسىمگە ارنالعان.

بۇۇ-داعى ەڭ ماڭىزدى كەزەڭ ەكىنشى اپتا بولماق. سەبەبى، وسى كەزدە جوعارى دەڭگەيدەگى ساياسي پىكىرتالاستار جوسپارلانعان. ساحناعا 114 مەملەكەتتىڭ كوشباسشىلارى، سونداي-اق 80-دەن استام ۇكىمەت پەن ديپلوماتيالىق اگەنتتىكتەردىڭ باسشىلارى قاتىسادى، ولاردىڭ مالىمدەمەسى ءداستۇرلى تۇردە باس اسسامبلەيانىڭ جۇمىسىنا ارنالعان.

جالپى ساياسي پىكىرتالاس اياقتالعاننان كەيىن سەسسياعا قاتىسۋشىلار كوپتەگەن قارار جوبالارىن تالقىلاۋعا كىرىسپەك. ولاردىڭ اراسىندا جىل سايىن نازار اۋداراتىن قۇجاتتار بار، مىسالى، ءناتسيزمدى دارىپتەۋ ارەكەتتەرىنە قارسى قارار، پالەستينا-يزرايل كەلىسىمى تۋرالى 16 قۇجات پاكەتى. الايدا، GA ەڭ الدىمەن ءوز جۇمىسىندا پايدا بولعان حالىقارالىق پروبلەمالارعا نازار اۋدارادى، سوندىقتان ۇيىم بەيبىتشىلىك پەن قاۋىپسىزدىككە قاۋىپ توندىرەتىن تاقىرىپتار بويىنشا توتەنشە جاعدايداعى شەشىمدەردى قاراستىرادى.

"The Qazaq Times"