Qıtaydağı sot procesinen körinis.

14 naurızda Qazaqstannıñ Qıtaydağı Elşiliginiñ kömegimen jäne QR Bas prokuraturasınıñ qatısuımen Qıtayda sottalğan jäne jazaların ötep jürgen Qazaqstannıñ üş azamatı elge qaytarıldı. Bwl turalı Sırtqı ister ministrliginiñ resmi saytında habarlandı.

Sottalğan azamattardı öz otanına beru turalı uağdalastıqqa biılğı
1 naurızda Qazaqstannıñ Qıtaydağı Elşisi Şahrat Nwrışevtıñ QHR Ädilet ministriniñ orınbasarı Lyu Çjicyanmen bolğan kezdesui kezinde qol jetkizildi.

Qazirgi tañda Qıtay aumağında türli qılmıstardı jasağanı üşin sottalğan 9 qazaqstandıq azamat qıtaydıñ tüzetu mekemelerinde jazaların ötep jür. «Qazaqstan Respublikası men Qıtay Halıq Respublikası arasındağı sottalğan adamdardı beru turalı şarttıñ» küşine enuin (2011 j. 22 aqpanda qol qoyıldı) eskere otırıp, Elşiliktiñ konsuldıq qızmeti QR azamattarınıñ qwqıqtarı men müddelerin qorğauğa jäne sottalğan azamattardı Otanına qaytaruğa bağıttalğan tiisti is-şaralardı jalğastıruda. Jaqın arada qıtay tarapımen QR-dıñ tağı da Qazaqstannıñ üş azamatın elge qaytaru turalı swrağı qarastırıladı.

2015 j. qırküyekten bastap qıtaylıq tarappen jazalaudıñ türli merzimimen QHR aumağında ayıptarın ötep jatqan 14 Qazaqstan azamatı tabıstalğanın eske salamız.

Eskertpe: Şet memleketterdegi jeke jäne zañdı twlğa bolıp keletin Qazaqstan Respublikasınıñ azamattarınıñ qwqıqtarı men müddelerin qorğau QR QHR-dağı Elşiliginiñ konsuldıq qızmetiniñ bastı bağıttarınıñ biri.

«The Qazaq Times»