Foto: https://cdn.cnn.com

AQŞ prezidenti Donal'd Tramp wlttıq qauipsizdik jönindegi keñesşisi Djon Boltondı qızmetinen bostattı.

Tramp öziniñ Twitter paraqşasında: «Bügin tañerteñ Djonnıñ otstavkasına qol qoydım. Osı uaqıtqa deyin etken eñbegi üşin alğıs bildiremin. Jaña keñesşini kelesi aptada tağayındaytın bolamın», – dep jazdı. Aq üy basşısı Djon Boltonnıñ birqatar şeşimderin qwptamaytındığın jäne keñesşimen kelispeuşilikterdiñ orın alğanın ayttı.

CNN telearnasınıñ mälimetinşe, Tramp pen Boltonnıñ pikiri köp jağdayda säykes kelmegendikten, prezident onıñ otstavkasın talap etken. Mäselen, Boltonnıñ Irak, Iran jäne Reseyge qatıstı pikirlerin Tramp «älemdik sayasattağı ülken qatelik» dep bağalağan. Boltonnıñ naqtı nelikten otstavkağa ketkeni resmi jariyalanbasa da, şeteldik basılımdar AQŞ pen «Taliban» kelissözi osığan sep boluı mümkin deydi.

70 jastağı Djon Bolton bıltır säuirde Tramptıñ keñesşisi bolıp tağayındalğan. Bwl qızmetine deyin ol Qwrama Ştattarınıñ BWW-dağı ökili jäne memlekettik hatşınıñ orınbasarı bolğan.

Bolton AQŞ prezidenti qızmetinen bosatqan törtinşi keñesşi. Osığan deyin wlttıq qauipsizdik keñesşisi lauazımın S'yuzan Rays, Maykl Flinn jäne Gerbert Makmaster atqarğan.

"The Qazaq Times"