Eks-prezident N.Nazarbaev pen Mäjilis spikeri N.Nığmatullin. Foto: Twñğış Prezident baspasöz qızmeti

Bügin, qırküyektiñ 10-ı eks-prezident N.Nazarbaev  Mäjilis törağası Nwrlan Nığmatullinmen  Mäjilistegi Nwr Otan partiyası frakciyasınıñ qızmeti men jwmıs josparı turalı  kezdesu ötkizdi.

Qabıldau barısında «Qazirgi tañda Mäjilistiñ qarauında 45 zañ jobası bar. Barlıq 3 frakciya jwmısqa kiristi. Bizdiñ frakciyanıñ aldına sizdiñ tapsırmalarıñızdıñ, saylaualdı bağdarlamalarıñızdıñ jäne «100 naqtı qadam» Wlt Josparınıñ jüzege asırıluına sapalı baqılaudı jüzege asıru boyınşa mindetter qoyıldı», – dedi Nığmatulin. Twñğış Prezident baspasöz qızmetiniñ habarlauınşa, Nazarbaev Europa men Aziya elderi Parlamentteri spikerleriniñ keñesine dayındıq turalı söz etken. Mäjilis spikeri N.Nığmetullin «23-24 qırküyekte spikerler Keñesine älemniñ 65 elinen kelgen delegattar qatısadı. Elimizde osınday joğarı deñgeydegi parlamenttik is-şara soñğı 20 jılda alğaş ret ötkizilip otır. Biıl Europa men Aziya elderi Parlamentteri spikerleriniñ keñesi Euraziyalıq ideyanıñ 25 jıldığına arnalğan», – dedi.

Memlekettik satıp alu negizinde jüzege asırılatın auqımdı jiındardıñ soñğı jıldarı jiileui prezident Toqaev rastağan «kedeylengen» Qazaqstan halıqın aşındırıp, azamattıq qoğamnıñ narazılığı küşeye tüsken.

"The Qazaq Times"