Foto: https://img.gazeta.ru

Resey Japoniyanıñ aral dauına qatıstı narazılığına jauap berdi.

Osı aptada halıqaralıq ekonomikalıq forumda Kreml' Kurilge tiesili Şikotan aralında zauıt salınatını turalı habarlağan bolatın. Artınşa Japoniya ministrler kabinetiniñ törağası Esihidze Suga japon halqınıñ, ükimetiniñ bwl şeşimge narazı ekendigin ayttı.

Bwğan jauap retinde Japoniyadağı Resey elşiligi taratqan resmi mälimdemede: «Kuril araldarı ekinşi düniejüzilik soğıstan keyin Reseyge tiesili boldı. Sol sebepti, biz öz josparlarımızdı qalauımşa jüzege asıramız. Osını bizdiñ äriptes-memleket jete wğınsa eken deymiz», – delingen.

Eki el arasındağı aral dauı äli künge deyin oñtaylı şeşim tapqan joq. 2 tamızda Kuril araldarına reseylik şendiler basqaru tobımen barğannan keyin, Japoniya Sırtqı ister ministrligi Mäskeuge narazılıq hatın joldağan bolatın. Bwğan qatıstı pikir bildirgen Resey prem'er-ministri Dmitriy Medvedev: «Japon halqınıñ narazılığı bizdiñ eş alañdauşılığımızdı tuğızbaydı. Kuril araldarı Resey jerine tiesili. Araldar Sahalin oblısına kiredi. Sol sebepti reseylikterdiñ ol jaqqa baruğa tolıqtay qwqığı bar», – dedi.

Japoniya prem'er-ministri Sindzo Abe men Resey prezidenti Vladimir Putin aral mäselesine qatıstı 2012 jıldan beri birneşe kezdesu wyımdastırğan. Alayda, taraptar ortaq mämilege kele almadı.

"The Qazaq Times"