فوتو: https://img.gazeta.ru

رەسەي جاپونيانىڭ ارال داۋىنا قاتىستى نارازىلىعىنا جاۋاپ بەردى.

وسى اپتادا حالىقارالىق ەكونوميكالىق فورۋمدا كرەمل كۋريلگە تيەسىلى شيكوتان ارالىندا زاۋىت سالىناتىنى تۋرالى حابارلاعان بولاتىن. ارتىنشا جاپونيا مينيسترلەر كابينەتىنىڭ توراعاسى ەسيحيدزە سۋگا جاپون حالقىنىڭ، ۇكىمەتىنىڭ بۇل شەشىمگە نارازى ەكەندىگىن ايتتى.

بۇعان جاۋاپ رەتىندە جاپونياداعى رەسەي ەلشىلىگى تاراتقان رەسمي مالىمدەمەدە: «كۋريل ارالدارى ەكىنشى دۇنيەجۇزىلىك سوعىستان كەيىن رەسەيگە تيەسىلى بولدى. سول سەبەپتى، ءبىز ءوز جوسپارلارىمىزدى قالاۋىمشا جۇزەگە اسىرامىز. وسىنى ءبىزدىڭ ارىپتەس-مەملەكەت جەتە ۇعىنسا ەكەن دەيمىز»، – دەلىنگەن.

ەكى ەل اراسىنداعى ارال داۋى ءالى كۇنگە دەيىن وڭتايلى شەشىم تاپقان جوق. 2 تامىزدا كۋريل ارالدارىنا رەسەيلىك شەندىلەر باسقارۋ توبىمەن بارعاننان كەيىن، جاپونيا سىرتقى ىستەر مينيسترلىگى ماسكەۋگە نارازىلىق حاتىن جولداعان بولاتىن. بۇعان قاتىستى پىكىر بىلدىرگەن رەسەي پرەمەر-ءمينيسترى دميتري مەدۆەدەۆ: «جاپون حالقىنىڭ نارازىلىعى ءبىزدىڭ ەش الاڭداۋشىلىعىمىزدى تۋعىزبايدى. كۋريل ارالدارى رەسەي جەرىنە تيەسىلى. ارالدار ساحالين وبلىسىنا كىرەدى. سول سەبەپتى رەسەيلىكتەردىڭ ول جاققا بارۋعا تولىقتاي قۇقىعى بار»، – دەدى.

جاپونيا پرەمەر-ءمينيسترى سيندزو ابە مەن رەسەي پرەزيدەنتى ۆلاديمير پۋتين ارال ماسەلەسىنە قاتىستى 2012 جىلدان بەرى بىرنەشە كەزدەسۋ ۇيىمداستىرعان. الايدا، تاراپتار ورتاق مامىلەگە كەلە المادى.

"The Qazaq Times"