N.Nazarbaev atındağı dañğıl. Körneki suret. Foto: aşıq derekköz

Qostanay oblıstıq mäslihatınıñ kezekten tıs sessiyasında deputattar qazirgi  prezident Toqaevtıñ bastamasın qoldap, şahardağı bastı köşelerdiñ birine eks-prezident Nwrswltan Nazarbaev dañğılı atauın berdi.

Öñirlik  «Kostanayskie novosti»  basılımnıñ habarlauınşa, qaladağı eñ bastı köşe atauın Nazarbaevtıñ esimimen auıstıru wsınısın qarapayım azamattar bergen.

Bwl turalı Qostanay oblıstıq tilderdi basqaru basqarmasınıñ direktorı Güljan Mendekinova:

– Qalalar men audandardağı negizgi köşelerge Nazarbaev atın beru bastaması köterilgen. Estafetanı bizdiñ öñir de qabıldadı. Oblıstıñ iri käsiporındarı, auıl şaruaşılığı qwrılımdarınıñ basşıları, qalalıq avtomobil' köligi kolledjiniñ wjımı, jeke azamattardan wsınıs tüsti. Qoğamdıq tıñdauğa 250-den astam adam qatıstı, – dedi.

Respublikalıq onomastikalıq komissiya Qostanaydağı YUriy Gagarin köşesiniñ atauın Nwrswltan Nazarbaev dañğılına auıstıru, al Gvardeyskaya köşesine YUriy Gagarin esimin beru wsınısın qarastırıp, maqwldağandığı turalı şeşim şığarğan.

Kezekten tıs ötkizilgen Mäslihat sessiyasında bwl şeşimdi deputattar ädettegidey birauızdan qoldap dauıs bergen. Tilderdi damıtu basqarması direktorınıñ sözinşe, eski ataumen jazılğan köşe taqtaların jañartuğa qarajat byudjetten emes, demeuşilerdiñ esebinen jürgiziledi.

Respublikalıq kölemdegi «qwrmetşilik estafetası» turalı osığan deyin 20 naurızda Qasım-Jomart Toqaev Qazaqstan prezidenttigi lauazımına ant beru räsiminde «Qalalardıñ ortalıq köşelerine Nwrswltan Nazarbaev esimin beru qajet dep sanaymın» dep wsınısın bildirgen edi. Mwnı aymaqtardağı äkimdikter wsınıstı bwyrıqtay qadirlep, ile-aşala qolğa aldı. Nätijesinde tügelderlik oblıs ortalıqtarı men iri megapolisterde Nazarbaev dañğıldarı payda boldı. Azamattıq qoğam ökilderi men qoğam belsendileri quıqtay köşege Alaşorda basşısı Ä.Bökeyhannıñ esimin berip, dekommunizaciyalauğa jatatın «bası artıq» ataulardan arıluda qol baylaytın qwjattıq-qarjılıq mäselelerdi «alğa tartqış» jergilikti äkimdikterdi qatañ sınğa alğan bolatın.

Jiırma jıldıq tarihı bar, terşeñ mehnatpen, qwyılğan millirdtağan qarjımen brendke aynalğan Astana atauı «Nwr-Swltan» dep özgertilgen kezde el işinde qarsılıq köñil-küy jürgenine qaramastan, wlıq-şendiler men ziyalılar şoğırı bas izesip, «tabılğan şeşimge» qoldau bildirip jattı. Jazuşı Nesipbek Däutay «Astanamız qazaqtıñ mañdayına bitken twlğanıñ esimimen atalğanı qwptarlıq is» dese, belgili aqın Aqqwştap Baqtıgereeva «Sın sağattardan sürinbey ötken şıdamıñız ben parasatıñızğa kuämiz, rizamız» dep, bwl şeşimge oñ qaraytının bildirgen edi. Sonımen qatar qoğamdıq pikirtalas qızğan twsta Qazaqstan Jazuşılar odağınıñ törağası, aqın Wlıqbek Esdäulet «Elbasımızdıñ özi bas säuletşisi bolğan Astana qalasına Nwr-Swltan atı berilu jönindegi şeşimdi öz tarapımnan tolıqtay qoldaymın!» dep ağınan jarılğan-dı.

"The Qazaq Times"