Qasım-Jomart Toqaev pen Sooronbay Jeenbekov. Foto: aşıq derekköz

QR prezidenti Qasım-Jomart Toqaev ayır qalpaqtı ayğayın Qırğız eliniñ basşısınıñ atına 31 tamız Täuelsizdik künine arnayı qwttıqtau jedelhatın jiberdi. Memleket basşısı öz qwttıqtauında Qırğızstannıñ öz egemendigi jıldarında auqımdı jañğıru jolınan ötip, memleket qwru isinde zor jetistikterge jetkenin söz etken. 

Aqorda habarlamasında «Qasım-Jomart Toqaev el astanası men Bişkek arasında qalıptasqan köpğasırlıq dostıq, körşilestik jäne özara senim sipatındağı is-qimıldardı Qazaqstan tarapı joğarı bağalaytınına erekşe män berdi» dep körsetilgen.

– Bizdiñ elderimizdiñ arasında ornağan aşıq jäne twraqtı sayasi dialog aldağı uaqıtta da qazaq-qırğız qatınastarınıñ strategiyalıq seriktestik jäne özara qoldau ruhında jan-jaqtı nığaya beruine ıqpal etedi dep senemin, – delingen jedelhatta.

Tarih betterine zer salsaq, 1991 jıldıñ 31 tamızı Qırğızstannıñ Joğarğı keñesiniñ kezekten tıs sessiyasında «Qırğızstan Respublikasınıñ memlekettik Täuelsizdiginiñ deklaraciyasın» qabıldap, tarihi akt negizinde demokratiyalıq, suverinitetti memleket bolıp tanılğan edi. Resmi türde Täuelsizdik künderin Qırğızstan 31 tamız, Özbekstan 1 qırküyek, Qazaqstan 16 jeltoqsan atap ötedi.

1991 jılı 12 qazan saylauda Asqar Aqaev prezident bolıp saylansa, Qazaqstanda Nwrswltan Nazarbaev basşılıqqa saylandı. Asqar Aqaev, Qwrmanbek Bäkiev, Roza Otınbaeva, Almazbek Atambaev eks-prezidentter qatarına enip ülgerse, qazirgi tañda Sooronbay Jeenbekov prezidenttik qızmette. 28 jıl işinde 5 prezident auıstırıp ülgergen körşi el qazir Orta Aziyadağı jalqı parlamentarlı jüyege köşken, demokratiyalıq äleueti edäuir ilgeri memleket.

"The Qazaq Times"