توقاەۆ جەەنبەكوۆتى قىرعىز ەلىنىڭ تاۋەلسىزدىگى كۇنىمەن قۇتتىقتادى  

قر پرەزيدەنتى قاسىم-جومارت توقاەۆ ايىر قالپاقتى ايعايىن قىرعىز ەلىنىڭ باسشىسىنىڭ اتىنا 31 تامىز تاۋەلسىزدىك كۇنىنە ارنايى قۇتتىقتاۋ جەدەلحاتىن جىبەردى. مەملەكەت باسشىسى ءوز قۇتتىقتاۋىندا قىرعىزستاننىڭ ءوز ەگەمەندىگى جىلدارىندا اۋقىمدى جاڭعىرۋ جولىنان ءوتىپ، مەملەكەت قۇرۋ ىسىندە زور جەتىستىكتەرگە جەتكەنىن ءسوز ەتكەن. 

اقوردا حابارلاماسىندا «قاسىم-جومارت توقاەۆ ەل استاناسى مەن بىشكەك اراسىندا قالىپتاسقان كوپعاسىرلىق دوستىق، كورشىلەستىك جانە ءوزارا سەنىم سيپاتىنداعى ءىس-قيمىلداردى قازاقستان تاراپى جوعارى باعالايتىنىنا ەرەكشە ءمان بەردى» دەپ كورسەتىلگەن.

– ءبىزدىڭ ەلدەرىمىزدىڭ اراسىندا ورناعان اشىق جانە تۇراقتى ساياسي ديالوگ الداعى ۋاقىتتا دا قازاق-قىرعىز قاتىناستارىنىڭ ستراتەگيالىق سەرىكتەستىك جانە ءوزارا قولداۋ رۋحىندا جان-جاقتى نىعايا بەرۋىنە ىقپال ەتەدى دەپ سەنەمىن، – دەلىنگەن جەدەلحاتتا.

تاريح بەتتەرىنە زەر سالساق، 1991 جىلدىڭ 31 تامىزى قىرعىزستاننىڭ جوعارعى كەڭەسىنىڭ كەزەكتەن تىس سەسسياسىندا «قىرعىزستان رەسپۋبليكاسىنىڭ مەملەكەتتىك تاۋەلسىزدىگىنىڭ دەكلاراتسياسىن» قابىلداپ، تاريحي اكت نەگىزىندە دەموكراتيالىق، سۋۆەرينيتەتتى مەملەكەت بولىپ تانىلعان ەدى. رەسمي تۇردە تاۋەلسىزدىك كۇندەرىن قىرعىزستان 31 تامىز، وزبەكستان 1 قىركۇيەك، قازاقستان 16 جەلتوقسان اتاپ وتەدى.

1991 جىلى 12 قازان سايلاۋدا اسقار اقاەۆ پرەزيدەنت بولىپ سايلانسا، قازاقستاندا نۇرسۇلتان نازارباەۆ باسشىلىققا سايلاندى. اسقار اقاەۆ، قۇرمانبەك باكيەۆ، روزا وتىنباەۆا، المازبەك اتامباەۆ ەكس-پرەزيدەنتتەر قاتارىنا ەنىپ ۇلگەرسە، قازىرگى تاڭدا سوورونباي جەەنبەكوۆ پرەزيدەنتتىك قىزمەتتە. 28 جىل ىشىندە 5 پرەزيدەنت اۋىستىرىپ ۇلگەرگەن كورشى ەل قازىر ورتا ازياداعى جالقى پارلامەنتارلى جۇيەگە كوشكەن، دەموكراتيالىق الەۋەتى ەداۋىر ىلگەرى مەملەكەت.

"The Qazaq Times"