Foto: snooppy.yvision.kz Halıq aştıqtan zardap şegude

Birikken Wlttar Wyımı älem soñğı ret 1945 jılı ötkergen eñ auqımdı gumanitarlıq dağdarıstıñ kele jatqandığın eskertti dep habarlaydı bbc.com. BWW-nıñ  mälimdemesine säykes, Yemen, Oñtüstik  Sudan, Somali jäne Nigeriya elderindegi 20 millionnan astam halıqqa aştıq qaupi tönip twr. 

BWW gumanitarlıq mäseleler boyınşa bas hatşısı Stiven O'Brayen: "Eger dereu aldın alu şaraların wyımdastırılmasa, bwl elderdegi jağıday mülde naşarlap ketui mümkin. Jahandıq auqımdağı wjımdıq jäne kelisilgen türde dereu äreketke köşu kerek.  Twrğındar aştıqtan ajal auzında twr" - dep otır.

Bas hatşınıñ aytuınşa, osı jıldıñ şilde ayına taman, atalmış elderge 4,4 mlrd dollar qarjığa gumanitarlıq kömek jetkizu qajet.

Wyımnıñ törağası: " BWW qwrılğalı bergi eñ qiın kezeñ ornadı. Bwnday dağdarıs soñğı 72 jılda alğaş qaytalanıp otır" - degen bolatın. .

 

Somali, Yemen jäne Oñtüstik Sudandağı jağıday soñğı jıldardağı jappay soğıs qimıladarınıñ saldarınan naşarlap ketken. Al Nigeriyadağı ahual radikaldı dini toptardıñ qaqtığısuınan bolıp otır.

Qañtar ayında wyım ökilderi Yemendegi soğıs jaqın arada halıqtıñ jappay aştıqqa wşırauına alıp kelui mümkin ekenin aytqan bolatın. Qazirdiñ özinde Yemendegi 10 millionday halıq azıq-tülik jetispeuşiliginen zardap şegude, onıñ 2 millionı balalar.

Foto: rbc.ua
Yemen, Somali, Oñtüstik Sudan jäne Nigeriya halqı aştıqtan zardap şegude

Al BWW-nıñ arnayı bağdarlamasınıñ zertteu nätijelelerine säykes, büginniñ özinde 100 mıñday adamğa aştıqtan ölim qaupi tönip twr.

«The Qazaq Times»