بىرىككەن ۇلتتار ۇيىمى الەم سوڭعى رەت 1945 جىلى وتكەرگەن ەڭ اۋقىمدى گۋمانيتارلىق داعدارىستىڭ كەلە جاتقاندىعىن ەسكەرتتى دەپ حابارلايدى bbc.com. بۇۇ-نىڭ مالىمدەمەسىنە سايكەس، يەمەن، وڭتۇستىك سۋدان، سومالي جانە نيگەريا ەلدەرىندەگى 20 ميلليوننان استام حالىققا اشتىق قاۋپى ءتونىپ تۇر.
بۇۇ گۋمانيتارلىق ماسەلەلەر بويىنشا باس حاتشىسى ستيۆەن و'برايەن: "ەگەر دەرەۋ الدىن الۋ شارالارىن ۇيىمداستىرىلماسا، بۇل ەلدەردەگى جاعىداي مۇلدە ناشارلاپ كەتۋى مۇمكىن. جاھاندىق اۋقىمداعى ۇجىمدىق جانە كەلىسىلگەن تۇردە دەرەۋ ارەكەتكە كوشۋ كەرەك. تۇرعىندار اشتىقتان اجال اۋزىندا تۇر" - دەپ وتىر.
باس حاتشىنىڭ ايتۋىنشا، وسى جىلدىڭ شىلدە ايىنا تامان، اتالمىش ەلدەرگە 4,4 ملرد دوللار قارجىعا گۋمانيتارلىق كومەك جەتكىزۋ قاجەت.
ۇيىمنىڭ توراعاسى: " بۇۇ قۇرىلعالى بەرگى ەڭ قيىن كەزەڭ ورنادى. بۇنداي داعدارىس سوڭعى 72 جىلدا العاش قايتالانىپ وتىر" - دەگەن بولاتىن. .
سومالي، يەمەن جانە وڭتۇستىك سۋدانداعى جاعىداي سوڭعى جىلدارداعى جاپپاي سوعىس قيمىلادارىنىڭ سالدارىنان ناشارلاپ كەتكەن. ال نيگەرياداعى احۋال راديكالدى ءدىني توپتاردىڭ قاقتىعىسۋىنان بولىپ وتىر.
قاڭتار ايىندا ۇيىم وكىلدەرى يەمەندەگى سوعىس جاقىن ارادا حالىقتىڭ جاپپاي اشتىققا ۇشىراۋىنا الىپ كەلۋى مۇمكىن ەكەنىن ايتقان بولاتىن. قازىردىڭ وزىندە يەمەندەگى 10 ميلليونداي حالىق ازىق-تۇلىك جەتىسپەۋشىلىگىنەن زارداپ شەگۋدە، ونىڭ 2 ميلليونى بالالار.
فوتو: rbc.ua
يەمەن، سومالي، وڭتۇستىك سۋدان جانە نيگەريا حالقى اشتىقتان زارداپ شەگۋدە
ال بۇۇ-نىڭ ارنايى باعدارلاماسىنىڭ زەرتتەۋ ناتيجەلەلەرىنە سايكەس، بۇگىننىڭ وزىندە 100 مىڭداي ادامعا اشتىقتان ءولىم قاۋپى ءتونىپ تۇر.
«The Qazaq Times»
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ