Reseydiñ äskeri mwrajayındağı qarular. Foto: BBC/AFP7

Reseydiñ Severodvinsk qalasınıñ mañındağı oq-däri qoymasındağı jarılıstan yadrolıq quatı bar zımırandardı jasap jatqan ğılımi qızmetkerlerdiñ qaza bolğanı belgili bolğan edi. Reseyliñ "Rosatom"-ı ekspertterdiñ yadrolıq-energetikalıq qozğaltqıştı sınaqtan ötkizip jatqanın rastağan. Alayda, jarılıs turasında eşqanday qosımşa aqparat bergen emes.

Mälimetterge qarağanda, injenerler Arktikadağı teñiz küşteriniñ zımıran sınau bazasında sınaq ötkizip jatqan. Resey bwl jerde "Burevestnik" yadro-energetikalıq zımıran qozğaltqışın sınağan. Biraq, Kreml' apattı jağdaydıñ naqtı sebebin körsetpey otır. Alayda, Aq üy tarabı atalğan jarılıs kezinde qanday qarudıñ sınaqtan ötkizilip jatqanı turalı anıq mälimetke ie ekenin aytıp qaldı. "Bizde de osığan wqsas qaru bar. Alayda, ol zamanaui tehnologiyalarmen jabdıqtalğan", – degen AQŞ prezidenti.

Ol jäne "Skayfol" apatınan keyin mañındağı twrğındar üşin auadağı himiyalıq elementterdiñ ziyanı turalı da aytıp ketken. Jarılıstan keyin Severodvinsk qalasınıñ resmi lauazımdıları radiaciya qaupiniñ joq ekenin mälimdegen edi. SSC-X-9 Skayfol dep otırğanı - Reseydiñ 9M730 yadro-energetikalıq qozğaltqışı bar zımırandarınıñ kodtik atauı. Jaña zımıran turalı Resey prezidenti Putin bwdan bir jıl bwrın mälimdeme jasağan edi. Onda ol Resey jasap jatqan jaña zımıran eş eldiñ zımıranğa qarsı qorğanıs jüyesine wstalmaytın biregey qaru ekenin köbirek aytıp edi. Sonday-aq, "Burevestnik"  zımıranı qalağan qaşıqtıqqa wşıp jete alatının da basa aytqan. NATO tarabı oğan SSC-X-9 Skayfol degen at qoyğan.

The New York Times basılımı bolsa AQŞ barlau qızmetiniñ mälimetterine süyene otırıp, Severodvinsk qalasınıñ mañındağı apatta däl osı "Burevestnik"  zımıranı sınaqtan ötkizilip jatqan dep jazdı. Alayda, Resey men AQŞ-tıñ resmileri bwğan wqsas qanday da bir mälimdeme jasamadı.

Şeteldik basılımdar men är eldiñ sarapşılarınıñ pikirlerin qorıtatın bolsaq, Reseydiñ jaña qarular sınağı Keñes odağı kezinde bastalğan "arman-qiyaldardıñ" jalğası deuge boladı. Sol kezdegi iske aspay qalğan jobalarğa investiciya salıp, jüzege asıruğa tırısıp jatqandarı da bar. Alayda, "Burevestnik" zımıranı sındı jobanıñ sätti jüzege asuı ekitalay degen boljamdar da bar. Bwl da bolsa "Qırği-qabaq soğıs jıldarındağıday" derjavalar arasında qaru-jaraq bäsekesiniñ qayta jandana tüskeninen derek berse kerek. 

“The Qazaq Times”