Foto: https://inbusiness.kz

Qazaqstan prezidenti Qasım-Jomart Toqaev birneşe senat deputatınıñ ökilettiligin toqtattı.

Aqordanıñ baspasöz qızmeti habarlağanday, prezidenttiñ jarlığımen Parlament Senatınıñ deputattarı Birğanım Äytimova men Asqar Beysenbaevtıñ ökilettilikteri toqtatıldı. Jarlıq jariyalanğannan keyin tilşilerge swhbat bergen Äytimova «öziniñ kar'erasın jasauğa mümkindik bergen Elbasığa jäne Dariğa Nazarbaevğa alğıs bildiretinin» ayttı.

12 tamızda prezident jarlığı boyınşa Parlament Senatınıñ deputattarı bolıp Mwhtar Qwl-Mwhammed, Andrey Lukin, Dariğa Nazarbaeva, Läzzat Süleymen, Dana Nwrjigitova, Nwrtöre Jüsip, Asqar Şäkirov, Qanatbek Safinov  tağayındalğan. Ökilettiligi toqtatılğan eks-senat deputattarına qatıstı Q.Toqaev öziniñ Twitter paraqşasında: «Parlament Senatındağı jemisti eñbekteri üşin S.Gromovqa, B. Äytimovağa, A. Beysenbaevqa, G.Kimge, R.Qosdäuletovke, R.Tüsipbekovke zor rizaşılığımdı bildiremin», – dep jazdı.

"The Qazaq Times"