فوتو: https://inbusiness.kz

قازاقستان پرەزيدەنتى قاسىم-جومارت توقاەۆ بىرنەشە سەنات دەپۋتاتىنىڭ وكىلەتتىلىگىن توقتاتتى.

اقوردانىڭ ءباسپاسوز قىزمەتى حابارلاعانداي، پرەزيدەنتتىڭ جارلىعىمەن پارلامەنت سەناتىنىڭ دەپۋتاتتارى بىرعانىم ءايتىموۆا مەن اسقار بەيسەنباەۆتىڭ وكىلەتتىلىكتەرى توقتاتىلدى. جارلىق جاريالانعاننان كەيىن تىلشىلەرگە سۇحبات بەرگەن ءايتىموۆا «ءوزىنىڭ كارەراسىن جاساۋعا مۇمكىندىك بەرگەن ەلباسىعا جانە داريعا نازارباەۆعا العىس بىلدىرەتىنىن» ايتتى.

12 تامىزدا پرەزيدەنت جارلىعى بويىنشا پارلامەنت سەناتىنىڭ دەپۋتاتتارى بولىپ مۇحتار قۇل-مۇحاممەد، اندرەي لۋكين، داريعا نازارباەۆا، ءلاززات سۇلەيمەن، دانا نۇرجىگىتوۆا، نۇرتورە ءجۇسىپ، اسقار شاكىروۆ، قاناتبەك سافينوۆ  تاعايىندالعان. وكىلەتتىلىگى توقتاتىلعان ەكس-سەنات دەپۋتاتتارىنا قاتىستى ق.توقاەۆ ءوزىنىڭ Twitter پاراقشاسىندا: «پارلامەنت سەناتىنداعى جەمىستى ەڭبەكتەرى ءۇشىن س.گروموۆقا، ب. ايتىموۆاعا، ا. بەيسەنباەۆقا، گ.كيمگە، ر.قوسداۋلەتوۆكە، ر.تۇسىپبەكوۆكە زور ريزاشىلىعىمدى بىلدىرەمىن»، – دەپ جازدى.

"The Qazaq Times"