Qazaqstannıñ Atazañ kitabınıñ ülkeytilgen modeli. Foto: centralasian.org

Qazaqstannıñ Konstituciyalıq keñesi Ata zañğa özgerister men tolıqtırular zañğa qayşı emes degen anıqtama şığardı.

6 naurızda parlament Konstituciyağa özgerister men tolıqtırular engizu turalı zañ jobasın ekinşi oqılımda qabıldadı. Qwjat jobası zañ şığaruşı organğa 3 naurızda tüsken edi. Qazaqstan prezidenti Nwrswltan Nazarbaev 6 naurızda jobanı Konstituciyalıq keñeske joldadı.

Qazaqstan biliginiñ mälimdeuinşe, Konstituciyanıñ 19 babına engiziletin özgertuler prezidenttiñ birqatar qwzıretin ükimet pen parlamentke berudi közdeydi. Atap aytqanda, prezidenttiñ memlekettik bağdarlamalardı jäne qarjılandırudıñ birıñğay jüyesin qabıldau, memlekettik byudjetten qarjılandıratın barlıq organdardıñ jwmısşılarınıñ aylıqtarın töleu qwzıretin ükimetke beredi.

Ükimet jañadan saylanğan parlament mäjilisi aldında biligin tapsıradı. Ministrlikke ümitkerlerdi prem'er-ministr prezidentke wsınadı. Tek sırtqı ister, işki ister, qorğanıs ministrlerin prezidenttiñ özi tağayındaydı. Qazaqstannıñ birinşi prezidentiniñ märtebesi Konstituciyanıñ tağı bir babında bekitiledi.

Qazaqstannıñ qazirgi Konstituciyası 1995 jılı jalpıhalıqtıq referendumda qabıldandı, oğan birneşe märte özgertuler engizildi.

"The Qazaq Times"