Gavayi ştatı Donal'd Tramp halqınıñ basım böligi islam dinin wstanuşı altı eldiñ azamattarına AQŞ-qa keluge tıyım salğan şeşimine narazılıq  bildirip, sotqa berdi dep habarlaydı bbc.com. Gavayi - Tramptıñ qayta qabıldağan migraciyalıq jarlığına aşıq türde qarsı şıqqan alğaşqı ştat. Al Tramptıñ jeti mwsılman elderi  azamattarına elge kiruge tıyım salğan alğaşqı jarlığı Sietl sotınıñ ükimimen küşin joyğan bolatın .

Gonoluludıñ federaldı sotına jazılğan arız boyınşa, Tramptıñ bwl şeşiminen ştattıñ mwsılman twrğındarı zardap şegip, öñirdegi turister men şeteldik studentterdiñ kelui kürt azayıp ketui mümukin. Bwl şeşimniñ saldarınan aymaqtıñ ekonomikalıq jağdayına da qauip tönip twr.

Ştattıñ bas prokurorı Dag Çin:  "Gavayi -  öziniñ jartı ğasırdan astam tarihında näsildik kemsituşilik pen wlt arazdığına qarsı twrıp kele jatqan erekşe ştat" - dep, pikirin bildirdi.

Sonımen qosa, ştat twrğındarınıñ 20 payızdan astamı şet elde tuılğan, 100 mıñday twrğında AQŞ azamattığı joq, al öñirdegi 20 payız jwmıs küşi - şet eldik azamattar bolıp keledi.

Bwl is boyınşa alğaşqı sot otırısı 15 naurız küni ötkizilmek. Al Iran, Yemen, Liviya, Süriya, Somali jäne Sudan memleketteriniñ twrğındarın  90künge Amerika aymağına keluge tıyım salatın Donal'd Tramptıñ jarlığı 16 naurız küni küşine enedi dep josparlanğan bolatın.

"The Qazaq Times"