گاۆاي شتاتى ترامپتى سوتقا بەردى

گاۆاي شتاتى دونالد ترامپ حالقىنىڭ باسىم بولىگى يسلام ءدىنىن ۇستانۋشى التى ەلدىڭ ازاماتتارىنا اقش-قا كەلۋگە تىيىم سالعان شەشىمىنە نارازىلىق  بىلدىرىپ، سوتقا بەردى دەپ حابارلايدى bbc.com. گاۆاي - ترامپتىڭ قايتا قابىلداعان ميگراتسيالىق جارلىعىنا اشىق تۇردە قارسى شىققان العاشقى شتات. ال ترامپتىڭ جەتى مۇسىلمان ەلدەرى  ازاماتتارىنا ەلگە كىرۋگە تىيىم سالعان العاشقى جارلىعى سيەتل سوتىنىڭ ۇكىمىمەن كۇشىن جويعان بولاتىن .

گونولۋلۋدىڭ فەدەرالدى سوتىنا جازىلعان ارىز بويىنشا، ترامپتىڭ بۇل شەشىمىنەن شتاتتىڭ مۇسىلمان تۇرعىندارى زارداپ شەگىپ، وڭىردەگى تۋريستەر مەن شەتەلدىك ستۋدەنتتەردىڭ كەلۋى كۇرت ازايىپ كەتۋى مۇمۋكىن. بۇل شەشىمنىڭ سالدارىنان ايماقتىڭ ەكونوميكالىق جاعدايىنا دا قاۋىپ ءتونىپ تۇر.

شتاتتىڭ باس پروكۋرورى داگ چين:  "گاۆاي -  وزىنىڭ جارتى عاسىردان استام تاريحىندا ناسىلدىك كەمسىتۋشىلىك پەن ۇلت ارازدىعىنا قارسى تۇرىپ كەلە جاتقان ەرەكشە شتات" - دەپ، پىكىرىن ءبىلدىردى.

سونىمەن قوسا، شتات تۇرعىندارىنىڭ 20 پايىزدان استامى شەت ەلدە تۋىلعان، 100 مىڭداي تۇرعىندا اقش ازاماتتىعى جوق، ال وڭىردەگى 20 پايىز جۇمىس كۇشى - شەت ەلدىك ازاماتتار بولىپ كەلەدى.

بۇل ءىس بويىنشا العاشقى سوت وتىرىسى 15 ناۋرىز كۇنى وتكىزىلمەك. ال يران، يەمەن، ليۆيا، ءسۇريا، سومالي جانە سۋدان مەملەكەتتەرىنىڭ تۇرعىندارىن  90كۇنگە امەريكا ايماعىنا كەلۋگە تىيىم سالاتىن دونالد ترامپتىڭ جارلىعى 16 ناۋرىز كۇنى كۇشىنە ەنەدى دەپ جوسپارلانعان بولاتىن.

"The Qazaq Times"