NATO bas hatşısı Yens Stolenberg al'yansqa tönip twrğan qauipter jöninde ayttı.

Stolenbergtiñ sözinşe, NATO-ğa tönip twrğan bastı qauipterdiñ biri derjavalar arasındağı jappay qarulanu jarısı, terrorizm jäne kiberşabuıl.

«NATO-ğa tönip twrğan qauipterdiñ alğaşqı qatarında Resey men Qıtaydıñ äskeri quatın arttıruı twr. Reseydiñ qaru-jaraq qarqının arttıruı qalıptasqan jahandıq tärtipti bwzadı jäne älemdik köşbasşılıqqa tartıstı küşeytedi» - dep mälimdedi NATO basşısı.

Halıqaralıq sarapşılar pikirinşe, soñğı jıldarı älemdik derjavalar arasında jappay qarulanu jarısı jürude jäne älemdi qayta böliske salu nauqanı bastaluda. Osığan oray AQŞ, Resey, Qıtay jäne Batıs elderiniñ qarım-qatınası jıl ötken sayın naşarlauda.

Esteriñizge salayıq, tamız ayınıñ 2-i küni AQŞ pen Resey arasındağı «alıs jäne qısqa qaşıqtıqtağı zımıran» kelisimi küşin joyğan. Bwl da derjavalar qarım-qatınasınıñ tığırıqqa tirelgeniniñ bir körinisi.

"The Qazaq Times"