Körneki suret. https://kyodonews.net

Resey äskerleriniñ Kuril araldarı mañında (Kunaşir) oqu-jattığu wyımdastırğanına qatıstı Japoniya biligi narazılıq bildirdi. Bwl turalı Tokioda ötken baspasöz konferenciyasında ministrler kabinetiniñ bas hatşısı Esihide Suga habarladı.

Mälimdemede: «Bwl jağday Japoniyağa da qatıstı bolğandıqtan, bizdiñ tarap ünsiz otıra almaydı. Sol sebepti Reseydiñ Kunaşir mañında äskeri oqu-jattığu ötkizuine narazılıq bildiremiz», – dedi Esihide Suga.

Japoniyanıñ bwl mälimdemesine Resey tarabı: «5-10 tamız aralığında Kunaşirde äskeri jattığu ötkizuge tolıqtay qwqığımız bar. Al Tokionıñ narazılığın negizsiz dep sanaymız» – dep mälimdedi.

2 tamızda Kuril araldarına reseylik şendiler basqaru tobımen barğannan keyin, Japoniya Sırtqı ister ministrligi Mäskeuge narazılıq hatın joldağan bolatın. Bwğan qatıstı pikir bildirgen Resey prem'er-ministri Dmitriy Medvedev: «Japon halqınıñ narazılığı bizdiñ eş alañdauşılığımızdı tuğızbaydı. Kuril araldarı Resey jerine tiesili. Araldar Sahalin oblısına kiredi. Sol sebepti reseylikterdiñ ol jaqqa baruğa tolıqtay qwqığı bar», – dep jauap berdi.

Jalpı alğanda, eki el arasındağı aral dauı äli künge deyin oñtaylı şeşim tapqan joq. Japoniya prem'er-ministri Sindzo Abe men Resey prezidenti Vladimir Putin osı mäselege qatıstı 2012 jıldan beri birneşe ret kezdesu wyımdastırğan. Biraq, taraptar ortaq mämilege kele almadı.

"The Qazaq Times"