رەسەي اسكەرلەرىنىڭ كۋريل ارالدارى ماڭىندا (كۋناشير) وقۋ-جاتتىعۋ ۇيىمداستىرعانىنا قاتىستى جاپونيا بيلىگى نارازىلىق ءبىلدىردى. بۇل تۋرالى توكيودا وتكەن ءباسپاسوز كونفەرەنتسياسىندا مينيسترلەر كابينەتىنىڭ باس حاتشىسى يوسيحيدە سۋگا حابارلادى.
مالىمدەمەدە: «بۇل جاعداي جاپونياعا دا قاتىستى بولعاندىقتان، ءبىزدىڭ تاراپ ءۇنسىز وتىرا المايدى. سول سەبەپتى رەسەيدىڭ كۋناشير ماڭىندا اسكەري وقۋ-جاتتىعۋ وتكىزۋىنە نارازىلىق بىلدىرەمىز»، – دەدى يوسيحيدە سۋگا.
جاپونيانىڭ بۇل مالىمدەمەسىنە رەسەي تارابى: «5-10 تامىز ارالىعىندا كۋناشيردە اسكەري جاتتىعۋ وتكىزۋگە تولىقتاي قۇقىعىمىز بار. ال توكيونىڭ نارازىلىعىن نەگىزسىز دەپ سانايمىز» – دەپ مالىمدەدى.
2 تامىزدا كۋريل ارالدارىنا رەسەيلىك شەندىلەر باسقارۋ توبىمەن بارعاننان كەيىن، جاپونيا سىرتقى ىستەر مينيسترلىگى ماسكەۋگە نارازىلىق حاتىن جولداعان بولاتىن. بۇعان قاتىستى پىكىر بىلدىرگەن رەسەي پرەمەر-ءمينيسترى دميتري مەدۆەدەۆ: «جاپون حالقىنىڭ نارازىلىعى ءبىزدىڭ ەش الاڭداۋشىلىعىمىزدى تۋعىزبايدى. كۋريل ارالدارى رەسەي جەرىنە تيەسىلى. ارالدار ساحالين وبلىسىنا كىرەدى. سول سەبەپتى رەسەيلىكتەردىڭ ول جاققا بارۋعا تولىقتاي قۇقىعى بار»، – دەپ جاۋاپ بەردى.
جالپى العاندا، ەكى ەل اراسىنداعى ارال داۋى ءالى كۇنگە دەيىن وڭتايلى شەشىم تاپقان جوق. جاپونيا پرەمەر-ءمينيسترى سيندزو ابە مەن رەسەي پرەزيدەنتى ۆلاديمير پۋتين وسى ماسەلەگە قاتىستى 2012 جىلدان بەرى بىرنەشە رەت كەزدەسۋ ۇيىمداستىرعان. بىراق، تاراپتار ورتاق مامىلەگە كەلە المادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟