Foto: https://sputniknews.kz

«Astana LRT» JŞS-niñ bwrınğı basqarma törağası Talğat Ardanğa halıqaralıq izdeu jariyalandı.

Ükimet üyinde ötken baspasöz maslihatı barısında atalğan kompaniyanıñ qazirgi basşısı Bekmırza Igenberdiev sot T.Ardanğa qatıstı sırttay şeşim şığarıp, izdeu jariyalağanın ayttı. «Astana LRT»-niñ basşısı Igenberdiev: «Osı iske qatıstı tergeu amaldarı jürgizilip jatqandıqtan, äzirge özge aqparattardı jariyalay almaymız. Bwl mäsele 2008 jıldan beri aytılıp keledi», – dedi.

Osığan deyin Sıbaylas jemqorlıqqa qarsı is-qimıl agenttigi «Astana LRT»-niñ bwrınğı basşısınıñ atınan qılmıstıq is qozğap, onı qamauğa alu turalı ötiniş joldağan. Qazirgi uaqıtta Interpol osı mäseleni nazarda wstap otır.

Ayta keteyik, «Astana LRT» qwrılısı 2016 jılı bastalğan. Bastapqı jospar boyınşa qwrılıs jwmıstarı 2019 jılı 31 jeltoqsanda ayaqtalıp, 2020 jılı jazda paydalanuğa berilui tiis edi. 22 kilometrden asatın joldı saluğa 1 milliard 887 million dollar bölingen. Biraq keyin qwrılıs jwmıstarı toqtap qalğan.

"The Qazaq Times"