Foto: kaznu.kz

äl-Farabi atındağı QazWU-dıñ kelbeti köz tartar Istıqköl jağasındağı sporttıq-sauıqtıru lagerine Arıs qalasınıñ 50 büldirşini demaluğa keldi. Tañğajayıp tabiğat pen saf taza aua jäne körkemdigi köz sürindirer «Qırğızstannıñ inju-marjanı» ayasında olardı aldağı uaqıtta wmıtılmas demalıs kütedi.

QazWU äleumettik jäne psihologiyalıq qoldau körsetu maqsatında Arıs qalasınıñ oquşıları üşin bilim berudi damıtu, bos uaqıtın tiimdi ötkizu, sauıqtıru-oñaltudıñ keñ kölemdi bağdarlamasın dayındadı. Atalmış bağdarlamalar ayasında balalar kommunikativtik qabiletterin damıtu, qoğamdıq ortada sätti äleumettenu, käsibi özin-özi anıqtau mäseleleri boyınşa qızıqtı treningterge qatısadı.

Terapiyanıñ tür-türi (art-terapiya, ertegi, oyın terapiyaları) jäne sporttıq sayıstar, teatr qoyılımdarı men alau janında jaña dostarmen otırıp än şırqau, köñildi jattığular jäne bi keşteri, şığarmaşılıq jäne tanımdıq is-şaralar – osınıñ bäri käsibi psihologtar men äleumettik pedagogtardıñ wyımdastıruımen ötetin boladı.

«Balalar lager' ömirine birden beyimdelip ketti. Mwnda olarğa öte qızıqtı. Tötenşe jağdaydan soñ balalarğa demalıs öte qajet ekeni belgili. Sondıqtan biz balalardıñ demalısın wyımdastıruğa şeşim qabıldadıq. Qazirgi bizdiñ bastı maqsatımız – orın alğan oqiğadan balalardıñ nazarın audaru. Olardıñ lager'degi künderiniñ eñ qızıqtı äri paydalı ötuine bar küş-jigerimizdi salatın bolamız», – dedi QazWU sporttıq-sauıqtıru lageriniñ direktorı Talğat Düysembaev.

"The Qazaq Times"