Körneki suret. Foto: https://img3.cityrealty.com

AQŞ-tıñ N'yu-York pen N'yu-Djersi qalaları tolassız jauğan jañbır men qattı jel saldarınan su astında qaldı. Bwl turalı Reuters agenttigi habarladı.

Jauınnan keyin köşeler suğa tolıp, jayau jürginşiler men kölikterdiñ jüruine qiındıq tuğızğan. Su deñgeyi köterilip, ağaştar qwlağan. Saldarınan birneşe audanda 300 mıñğa juıq üy jarıqsız qaldı. Äzirge zardap şekkender turalı mälimet joq. Boljam boyınşa, klimattıñ kün ötken sayın özgeriske wşırap, ğalamdıq jılınu saldarınan osınday tabiği apattar jii orın aladı.

Bwğan deyin Jer klimatı qazirgi qarqınmen jılına berse, 2100 jılğa barğanda teñiz suları 1 metr şamasında köteriledi dep boljanğan edi. Alayda, Antraktika men Grenlandiya araldarındağı mwz qabattarınıñ eruine qaytalay zertteu jürgizgen Britaniya men AQŞ ğalımdarı teñiz-mwhit su deñgeyiniñ köterilui biz şamalağan mölşerden eki ese artıq bolatının boljadı. Biıl Davosta ötken Düniejüzilik ekonomikalıq forumda BWW bas hatşısı Antoniu Guterreş älem ekonomikasına töngen eñ ülken qorqınış – klimat özgerisi dep körsetti. Guterreş sözinde: «Biz bwl jarısta artta qalıp jatırmız. Klimat özgerisi bizdiñ aldın alu şaralarımızdan älde qayda tez bolıp jatır. Şınayı jağday biz oylağannan da auır ekenin soñğı oqiğalar däleldep jatır», – degen bolatın.

Ğalımdardıñ soñğı twjırımına säykes, auağa şığarılatın kömir qışqıl gazınıñ mölşerin azaytpasaq, 2100 jılğa barğanda London, N'yu-York, Şanhay sekildi alıp megapolister su astında qalıp, birneşe jüz mln adamnıñ qonıs audaruına tura keledi.

"The Qazaq Times"