Tesla men SpaceX kompaniyasınıñ basşısı Ilon Mask jaña  "Neuralink" jobasın tanıstırdı. The New York Times gazetiniñ jazuınşa, ol  100,000,000 dollarğa juıq investiciya qwyğan.

Atalğan "Neuralink" jobası tabiği jäne jasandı intellektti biriktiruge mümkindik beredi, yağni, adam miı men komp'yuterdi baylanıstıradı. Komp'yuterge ülken kölemdegi derekterdi jiberu üşin miğa tipti adam şaşınan da jiñişke "jipter" ornatıladı. Kompaniyanıñ aytuınşa, bwl eñ aldımen sal auruına wşırağan adamdardıñ müddesi üşin jasalıp otır. Atalğan "jipti" paydalanıp, olar telefon nemese komp'yuterdi "oylau qabileti" arqılı basqaradı.

Bwl çiptiñ özi qalıñdığı 4-6 mkr jipke wqsaydı. Joğarıda atap ötkendey, ol adam şaşınan da jiñişke. Ol miğa engiziledi jäne midıñ belsendiligin anıqtap, qwlaq artına ornatılğan apparatqa jiberiledi. Äzirge olardı bir-birimen baylanıstıru üşin USB-C qoldanıluda, alayda bolaşaqta Neuralink sımsız tehnologiyanı paydalanudı josparlap otır.

Sonday-aq, kompaniyanıñ mälimdeuinşe, bwğan deyin zerthanadağı tışqandarğa 19 ota jasalıp, 87 payız jağdayda ota sätti ötken. Endi keler jıldan bastap bwl eksperiment adamdarğa jasalmaq.

Sonday-aq, prezentaciya kezinde kompaniya basında USB-C-portı bar tışqannıñ birin körsetti. Bwl apparat tışqan miınıñ belsendiligi turalı aqparat jiberip otıradı.

Eske sala keteyik, Masktiñ atalğan kompaniyası 2017 jıldan bastap mi men komp'yuter arasındağı baylanıs tehnologiyasın damıtu maqsatında jwmıs istep keledi.

"The Qazaq Times"