Foto: Fotostrana.ru

Amerika ğarış tarihında jaña kezeñge ayaq bastı. Halıqaralıq stanciyağa 30 mamırda jöneltilgen Space X kompaniyasınıñ Dragon ğarış kemesinde bolğan amerikalıq ğarışkerler – Dag Herli men Robert Benken Jerge oraldı.

Olardı orbitağa Falcon 9 zımıran tasığışı alıp şıqtı. Stanciyada 2 ayday bolğan ğarışkerler birneşe ret aşıq keñistikke şığıp, türli täjiribe jasadı.

Qos ğarışkerdiñ sätti sınağınan keyin Space X kompaniyasınıñ basşısı Ilon Mask: «Bwl – adamzat balası üşin ülken jetistik. Ğarış kemesiniñ sätti saparı ekinşi jağınan qazirgidey qiın jağdayda jağımdı jañalıq»,– dedi.

Crew Dragon ğarış kemesi Floridanıñ batıs jağalauına jaqın Meksika şığanağına 3 tamızda qonğan. Olardı qwtqaru operaciyasına 2 keme men 2 kater jäne birneşe tikwşaq jwmıldırıldı. Bwl – AQŞ tarhında jekemenşik kompaniya kemesiniñ ğarışkerlermen twñğış sapar jäne amerikalıq ğarış kemesiniñ 45 jıldan beri alğaş ret suğa qonuı. Amerika 2011 jılı Space Shuttle bağdarlamasın toqtatqandıqtan, NASA mamandarı orbitağa reseylik «Soyuz» kemesin qoldanğan.

"The Qazaq Times"