تەسلا مەن SpaceX كومپانياسىنىڭ باسشىسى يلون ماسك جاڭا "Neuralink" جوباسىن تانىستىردى. The New York Times گازەتىنىڭ جازۋىنشا، ول 100,000,000 دوللارعا جۋىق ينۆەستيتسيا قۇيعان.
اتالعان "Neuralink" جوباسى تابيعي جانە جاساندى ينتەللەكتتى بىرىكتىرۋگە مۇمكىندىك بەرەدى، ياعني، ادام ميى مەن كومپيۋتەردى بايلانىستىرادى. كومپيۋتەرگە ۇلكەن كولەمدەگى دەرەكتەردى جىبەرۋ ءۇشىن ميعا ءتىپتى ادام شاشىنان دا جىڭىشكە "جىپتەر" ورناتىلادى. كومپانيانىڭ ايتۋىنشا، بۇل ەڭ الدىمەن سال اۋرۋىنا ۇشىراعان ادامداردىڭ مۇددەسى ءۇشىن جاسالىپ وتىر. اتالعان ء"جىپتى" پايدالانىپ، ولار تەلەفون نەمەسە كومپيۋتەردى "ويلاۋ قابىلەتى" ارقىلى باسقارادى.
بۇل ءچيپتىڭ ءوزى قالىڭدىعى 4-6 مكر جىپكە ۇقسايدى. جوعارىدا اتاپ وتكەندەي، ول ادام شاشىنان دا جىڭىشكە. ول ميعا ەنگىزىلەدى جانە ميدىڭ بەلسەندىلىگىن انىقتاپ، قۇلاق ارتىنا ورناتىلعان اپپاراتقا جىبەرىلەدى. ازىرگە ولاردى ءبىر-بىرىمەن بايلانىستىرۋ ءۇشىن USB-C قولدانىلۋدا، الايدا بولاشاقتا Neuralink سىمسىز تەحنولوگيانى پايدالانۋدى جوسپارلاپ وتىر.
سونداي-اق، كومپانيانىڭ مالىمدەۋىنشە، بۇعان دەيىن زەرتحاناداعى تىشقاندارعا 19 وتا جاسالىپ، 87 پايىز جاعدايدا وتا ءساتتى وتكەن. ەندى كەلەر جىلدان باستاپ بۇل ەكسپەريمەنت ادامدارعا جاسالماق.
سونداي-اق، پرەزەنتاتسيا كەزىندە كومپانيا باسىندا USB-C-پورتى بار تىشقاننىڭ ءبىرىن كورسەتتى. بۇل اپپارات تىشقان ميىنىڭ بەلسەندىلىگى تۋرالى اقپارات جىبەرىپ وتىرادى.
ەسكە سالا كەتەيىك، ماسكتىڭ اتالعان كومپانياسى 2017 جىلدان باستاپ مي مەن كومپيۋتەر اراسىنداعى بايلانىس تەحنولوگياسىن دامىتۋ ماقساتىندا جۇمىس ىستەپ كەلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟