Franciyanıñ ekologiya ministri Fransua De Ryuji salıq töleuşilerdiñ aqşasın şaştı degen ayıptaulardan keyin otstavkağa ketti.

Şeneunik qonaqtarğa eñ qımbat francuz şarabı men teñiz şayanınan as äzirlep, köp aqşa jwmsağan.

De Ryujidiñ özi azamattıq qoğam ökilderimen kezdesuge qwqığım bar dep, aqtaluğa tırısqanımen, otstavkağa ketti.

Janjal tuğızğan oqiğa eks-ministr Franciyanıñ wlttıq keñes törağası bolıp twrğan kezde orın alğan. Arnayı zertteu jürgizgen Mediapart basılımınıñ jazuınşa, banket Parijde bolğan. Onı sayasatkerdiñ äyeli, Gala glamur-basılımınıñ jurnalisi wyımdastırğan-mıs.

Keşki asqa tapsırıs berilgen şaraptıñ bir bötelkesi 500 euro twrğan. Qonaqtarğa sirek kezdesetin äri öte qımbat omar teñiz şayanınan as äzirlegen. Bwl qorşağan ortanı qorğauşılardıñ aşu-ızasın tuğızdı.

Keyin belgili bolğanday, Fransua de Ryuji qızmet päterine 63 mıñ euroğa kürdeli jöndeu jwmıstarın jürgizgen. Ol aqşanı byudjet esebinen alğan. Mwnan bölek sayasatker Franciyanıñ batısındağı Nant qalasınan memleketke tiesili päterdi jeñildikpen jaldağan.

Fransua de Ryuji atalğan mälimetterdi jariyalağan Mediapart basılımın "wrlanğan suretterdi paydalanıp, daqpırtqa negizdelgen jalğan aqparat berdi" dep sotqa beretinin mälimdedi.

Mediapart redakciyası bolsa, "sayasatkerlerdiñ tabısı men şığısın qoğam baqılap otıruı tiis" dep mälimdedi.

"The Qazaq Times"