Foto: https://vlast.kz

Policiya Aron Atabektiñ qızı Aydana Aydarhandı bosattı.

14 şildede «Şañıraq isi» boyınşa sottalğan aqın Aron Atabektiñ qızı Aydana Aydarhan Almatıdağı Abay eskertkişiniñ aldında äkesiniñ sureti salınğan plakatpen poetikalıq akciya ötkizip, äkesiniñ öleñderin oqıp, onı bosatudı talap etken bolatın. «Oyan, Qazaqstan!» qozğalısınıñ instagram jelisindegi paraqşasında sol küni Aydananıñ twtqındalğanı jäne 2 sağattan soñ bosatılğanı jariyalandı. «Oyan, Qazaqstan!» qozğalısınıñ müşeleri Aydananı bosatqanğa deyin tapjılmastan sırtta kütken. Alayda, policiya onı şığarğanğa deyin birneşe minut bwrın policiya jarıqtı söndirip, esikti jauıp alğan.

Tergeu kezinde Aydanadan öz akciyasına qatısqandar arasında jurnalister men blogerlerdiñ bolğan bolmağandığı swralğan. Medeu audandıq prokurorı onı alğaş ret bwl iste bolğandığı üşin «keşiretindigin», biraq kelesi jolı äkimşilikten rwqsat swrauı kerektigin ayttı. Atalğan qozğalıs ökilderi «Konstituciyalıq qwqıqtarğa säykes Aydana öz pikirin aytu üşin eşkimnen rwqsat swrauğa mindetti emes» deydi.

Eske sala keteyik, biıl narazılıq akciyaları jii orın alıp, biraz adam jauapkerşilikke tartılğan. Säuirde marafonğa bannermen şıqqan eki azamat 15 täulik qamauğa alınğan. Sol akciyanı tüsirgeni üşin üş adamğa 20 AEK köleminde ayıppwl salındı.

"The Qazaq Times"