پوليتسيا ارون اتابەكتىڭ قىزى ايدانا ايدارحاندى بوساتتى.

14 شىلدەدە «شاڭىراق ءىسى» بويىنشا سوتتالعان اقىن ارون اتابەكتىڭ قىزى ايدانا ايدارحان الماتىداعى اباي ەسكەرتكىشىنىڭ الدىندا اكەسىنىڭ سۋرەتى سالىنعان پلاكاتپەن پوەتيكالىق اكتسيا وتكىزىپ، اكەسىنىڭ ولەڭدەرىن وقىپ، ونى بوساتۋدى تالاپ ەتكەن بولاتىن. «ويان، قازاقستان!» قوزعالىسىنىڭ ينستاگرام جەلىسىندەگى پاراقشاسىندا سول كۇنى ايدانانىڭ تۇتقىندالعانى جانە 2 ساعاتتان سوڭ بوساتىلعانى جاريالاندى. «ويان، قازاقستان!» قوزعالىسىنىڭ مۇشەلەرى ايدانانى بوساتقانعا دەيىن تاپجىلماستان سىرتتا كۇتكەن. الايدا، پوليتسيا ونى شىعارعانعا دەيىن بىرنەشە مينۋت بۇرىن پوليتسيا جارىقتى ءسوندىرىپ، ەسىكتى جاۋىپ العان.

تەرگەۋ كەزىندە ايدانادان ءوز اكتسياسىنا قاتىسقاندار اراسىندا جۋرناليستەر مەن بلوگەرلەردىڭ بولعان بولماعاندىعى سۇرالعان. مەدەۋ اۋداندىق پروكۋرورى ونى العاش رەت بۇل ىستە بولعاندىعى ءۇشىن «كەشىرەتىندىگىن»، بىراق كەلەسى جولى اكىمشىلىكتەن رۇقسات سۇراۋى كەرەكتىگىن ايتتى. اتالعان قوزعالىس وكىلدەرى «كونستيتۋتسيالىق قۇقىقتارعا سايكەس ايدانا ءوز پىكىرىن ايتۋ ءۇشىن ەشكىمنەن رۇقسات سۇراۋعا مىندەتتى ەمەس» دەيدى.

ەسكە سالا كەتەيىك، بيىل نارازىلىق اكتسيالارى ءجيى ورىن الىپ، ءبىراز ادام جاۋاپكەرشىلىككە تارتىلعان. ساۋىردە مارافونعا باننەرمەن شىققان ەكى ازامات 15 تاۋلىك قاماۋعا الىنعان. سول اكتسيانى تۇسىرگەنى ءۇشىن ءۇش ادامعا 20 اەك كولەمىندە ايىپپۇل سالىندى.

"The Qazaq Times"